អ្នកឆ្លើយឆ្លងព័ត៌មាន TASS បានរាយការណ៍ពីកន្លែងកើតហេតុថា អ្នកចូលរួមនៃការជួបជុំប្រឆាំងរដ្ឋាភិបាលក្នុងរដ្ឋធានី Tbilisi របស់ហ្សកហ្ស៊ី បានចាកចេញពីទីលានខាងមុខអគារសភា។ ផ្ទុយទៅវិញ ហ្វូងមនុស្សបានដើរឆ្ពោះទៅអគារ Tbilisi Opera តាមរយៈ Rustaveli Avenue ។ នៅទីនោះ ពួកគេបានដាក់ភ្លើងជាច្រើនដើម្បីធ្វើឲ្យខ្លួនគេឡើងកម្ដៅ។
បាតុករពីរបីរយនាក់បានស្នាក់នៅខាងក្រៅអគារសភា។ ស្ថានភាពនៅទីនោះក៏ស្ងប់ស្ងាត់ដែរដោយគ្មានអំពើហឹង្សា ឬអំពើបង្កហេតុត្រូវបានរាយការណ៍នោះទេ។
រលកថ្មីនៃការប្រមូលផ្តុំគ្នាបានចាប់ផ្តើមនៅហ្សកហ្ស៊ីនៅថ្ងៃទី ២៨ ខែវិច្ឆិកា ឆ្នាំ២០២៤។ ការតវ៉ានោះបានបង្កឡើងដោយសេចក្តីថ្លែងការណ៍មួយរបស់នាយករដ្ឋមន្រ្តីហ្សកហ្ស៊ីលោក Irakli Kobakhidze ដែលបាននិយាយថា Georgian Dream ដែលជាគណបក្សកាន់អំណាចរបស់ហ្សកហ្ស៊ីបានសម្រេចចិត្តពន្យាកិច្ចចរចាការចូលជាសមាជិកសហភាពអឺរ៉ុបរហូតដល់ចុងឆ្នាំ ២០២៨ ហើយបានបដិសេធការផ្តល់មូលនិធិណាមួយពីប្លុក EU។ យោងតាមមន្ត្រីដដែល ការសម្រេចចិត្តនេះដោយសារតែការចោទប្រកាន់របស់សហភាពអឺរ៉ុបជាបន្តបន្ទាប់ទាក់ទងនឹងកិច្ចពិភាក្សា រួមជាមួយនឹងការអំពាវនាវឱ្យលុបចោលច្បាប់ថ្មីៗមួយចំនួន និងការដាក់ទណ្ឌកម្មលើមន្ត្រីហ្សកហ្ស៊ីផងដែរ៕
ដោយ៖ ពេជ្រ
