រដ្ឋបាលរបស់លោកប្រធានាធិបតីអាមេរិក Donald Trump បានចេញបញ្ជាទៅកាន់សាកលវិទ្យាល័យ Harvard ដែលរារាំងនិងហាមសាលាមួយនេះមិនឱ្យចុះឈ្មោះនិស្សិតបរទេសចូលសិក្សានោះទ្បើយ។ បទបញ្ជានេះបានបញ្ជាក់ថា និស្សិតអន្តរជាតិបច្ចុប្បន្នត្រូវតែផ្ទេរទៅសិក្សានៅសាកលវិទ្យាល័យផ្សេង ឬក៏ត្រូវប្រឈមការបាត់បង់ឋានៈស្របច្បាប់របស់ពួកគេនៅក្នុងសហរដ្ឋអាមេរិក។
រដ្ឋមន្ត្រីសន្តិសុខមាតុភូមិលោក Kristi Noem បានចេញបញ្ជាបែបនេះ ដោយបានចោទប្រកាន់អ្នកគ្រប់គ្រងសាកលវិទ្យាល័យពីបទបង្កអំពើហិង្សា និងការប្រឆាំងនឹងសាសនា ហើយធ្វើការជាមួយបក្សកុម្មុយនិស្តចិន។ លោកក៏បានព្រមានសាលាផ្សេងទៀតថាពួកគេអាចប្រឈមមុខនឹងការហាមឃាត់ស្រដៀងគ្នានេះប្រសិនបើរកឃើញបទល្មើសដូចគ្នា។
អ្នកនាំពាក្យរបស់សាកលវិទ្យាល័យ Harvard បានពណ៌នាការបញ្ជានោះថា ជាការគំរាមកំហែងនិងមិនស្របច្បាប់។ លោកស្រីបានថ្លែងថា វាជាការគំរាមកំហែងយ៉ាងធ្ងន់ធ្ងរ ហើយវាមិនត្រឹមតែប៉ះពាល់ចំពោះបេសកកម្មសិក្សា និងស្រាវជ្រាវរបស់សាកលវិទ្យាល័យប៉ុណ្ណោះទេ ប៉ុន្តែដល់ប្រទេសទាំងមូលតែម្តង។
គួររំលឹកថា រដ្ឋបាល Trump ពីមុនបានបង្កកផ្នែកមួយនៃមូលនិធិរបស់សាកលវិទ្យាល័យ Harvard ម្តងហើយដោយអះអាងថា អ្នកគ្រប់គ្រងមិនបានធ្វើការគ្រប់គ្រាន់ដើម្បីប្រយុទ្ធប្រឆាំងនឹងពួកប្រឆាំងនិយម។ ប៉ុន្តែអ្នកគ្រប់គ្រងសាកលវិទ្យាល័យបានឆ្លើយតបដោយដាក់ពាក្យបណ្តឹង៕
ដោយ៖ ពេជ្រ
