ឯកអគ្គរដ្ឋទូតក្រសួងការបរទេសរុស្ស៊ីប្រចាំនៅក្រុងគៀវ លោក Rodion Miroshnik បាននិយាយថា ការប្តេជ្ញាចិត្តរបស់អ៊ុយក្រែន ក្នុងការពិភាក្សានៅទីក្រុងអ៊ីស្តង់ប៊ុល ប៉ុន្មានម៉ោងមកនេះ រដ្ឋបាលលោក Zelensky មិនលើកឡើងពីដំណោះស្រាយក្នុងការបញ្ចប់ជម្លោះទាំងស្រុងនោះទេ ។
លោក Miroshnik បានលើកឡើងថា រឿងតែមួយគត់ដែលយើង កំពុងបារម្ភខ្លាំងគឺការប្តេជ្ញាចិត្តរបស់ភាគីអ៊ុយក្រែន ក្នុងការចរចា ដោយមិនសំដៅលើការដោះស្រាយជម្លោះឲ្យដាច់ស្រេចទាល់តែសោះ ពោលគឺចង់បានតែបទឈប់បាញ់។
អ្នកការទូតរូបនេះ បានបន្ថែមថា បទឈប់បាញ់ដែលនឹងមិនមែនជាផ្នែកនៃដំណោះស្រាយរយៈពេលវែង នឹងមិនធ្វើឱ្យភាគីរុស្ស៊ី ពេញចិត្តឡើយ ។
យោងតាមលោក បានបញ្ជាក់ថា បទឈប់បាញ់រយៈពេល ៣០ ថ្ងៃ ដែលស្នើឡើងដោយភាគីអ៊ុយក្រែន នឹងអនុញ្ញាតឱ្យក្រុងគៀវ មានលទ្ធភាពពង្រឹងជំហររបស់ខ្លួន។ ជាពិសេស ទីក្រុងគៀវ នឹងយកពេលនេះ ដើម្បីកសាងបន្ទាយថ្មី ផ្គត់ផ្គង់អាវុធ និងកម្លាំងប្រមូលផ្តុំឡើងវិញ។
គួរបញ្ជាក់ថា កិច្ចចរចារវាងរុស្ស៊ី និងអ៊ុយក្រែន នៅទួរគីយ៉េ បានចាប់ផ្ដើម ដោយរវាងគណៈប្រតិភូ និងគណៈប្រតិភូប៉ុណ្ណោះ ខណការរំពឹងទុកថាលោក Zelensky និងលោក Putin នឹងជួបគ្នានោះ គឺមិនកើតឡើងទេ៕
ដោយ៖ ពេជ្រ
