លោក វ្ល៉ាឌីមៀ ហ្សេលេនស្គី បាននិយាយ នៅក្នុងសន្និសីទខ្លីមួយ បន្ទាប់ពីជំនួបពិភាក្សាជាមួយប្រធានាធិបតីទួរគី លោក Recep Tayyip Erdogan ថា ប្រធានាធិបតីអាមេរិក លោក ដូណាល់ ត្រាំ កំពុងដាក់សម្ពាធលើប្រទេសអ៊ុយក្រែន ជាជាងរុស្ស៊ី។
លោក ហ្សេលេនស្គី បានលើកឡើងថា តាំងពីដើមដំបូងមក អ្នកឃើញហើយជំហររបស់សហរដ្ឋអាមេរិក ក្នុងតំណែងលោកប្រធានាធិបតី ត្រាំ គឺលោក ដាក់សម្ពាធលើគ្រប់ភាគី។ ប៉ុន្តែខ្ញុំគិតថាយើងរងសម្ពាធខ្លាំងជាងប្រទេសរុស្ស៊ី។
ទន្ទឹមនោះ លោក បានបន្ថែមថា ចាំបាច់ត្រូវតែដាក់សម្ពាធលើភាគីណាដែលមិនចង់បញ្ចប់សង្គ្រាម ទើបត្រឹមត្រូវ។
ទោះជាយ៉ាងណា កាលពីថ្ងៃទី ១១ ខែឧសភា កន្លងទៅ ប្រធានាធិបតីរុស្ស៊ី លោក ពូទីន បានស្នើឱ្យអ៊ុយក្រែន បន្តការចរចាដោយផ្ទាល់ដែលអាក់ខាន កាលពីឆ្នាំ ២០២២ ដោយគ្មានលក្ខខណ្ឌជាមុន នៅថ្ងៃទី ១៥ ខែនេះ នាទីក្រុងអ៊ីស្តង់ប៊ុល ដើម្បីលុបបំបាត់ឫសគល់នៃជម្លោះ និងអាចសម្រេចបានបទឈប់បាញ់ ៕
ដោយ៖ ពេជ្រ
