ជោគវាសនានៃសំណើរបស់ប្រធានាធិបតីរុស្ស៊ី វ្ល៉ាឌីមៀ ពូទីន សម្រាប់កិច្ចចរចាផ្ទាល់ជាមួយអ៊ុយក្រែន នៅតែមិនប្រាកដប្រជា ខណៈដែលប្រទេសនានានៅបស្ចឹមប្រទេសកំពុងបំបែកដំណើរការឆ្ពោះទៅរកបទឈប់បាញ់រវាងរុស្ស៊ី និងអ៊ុយក្រែន។
ប្រធានាធិបតីអ៊ុយក្រែនលោក Volodymyr Zelenskyy បានប្រកាសថា លោកនឹងរង់ចាំលោក Putin នៅក្នុងប្រទេសទួរគី ដើម្បីឆ្លើយតបទៅនឹងការអំពាវនាវរបស់លោក Putin ឱ្យមានការចរចាដោយផ្ទាល់រវាងរុស្ស៊ី និងអ៊ុយក្រែននៅទីក្រុងអ៊ីស្តង់ប៊ុលនៅថ្ងៃព្រហស្បតិ៍សប្តាហ៍នេះ។
យ៉ាងណាក៏ដោយ គេរំពឹងលោក ពូ ទីន នឹងមិនចូលរួមដោយផ្ទាល់នោះទេ នៅពេលលោកធ្វើសំណើកាលពីថ្ងៃអាទិត្យ។ អ្នកនាំពាក្យវិមានក្រឹមឡាំង លោក Dmitry Peskov មិនបានឆ្លើយតបទៅនឹងការអត្ថាធិប្បាយរបស់ Zelenskyy ក្នុងអំឡុងពេលធ្វើសន្និសីទសារព័ត៌មានជាធម្មតាកាលពីថ្ងៃចន្ទនោះទេ ក្នុងពេលដែលអ៊ុយក្រែនបានស្នើថា រុស្ស៊ីគួរតែយល់ព្រមជាដំបូងចំពោះបទឈប់បាញ់រយៈពេល ៣០ ថ្ងៃ ដែលចាប់ផ្តើមនៅថ្ងៃចន្ទសប្តាហ៍នេះ។
ទោះបីជាយ៉ាងណាក៏ដោយ ក្រសួងការពារជាតិរុស្ស៊ី បានសរសេរនៅលើបណ្តាញសង្គមនៅថ្ងៃតែមួយថា កងកម្លាំងប្រដាប់អាវុធរបស់ខ្លួននៅតែបន្តប្រតិបត្តិការយោធាពិសេស ខណដែលរដ្ឋមន្ត្រីការបរទេសអ៊ុយក្រែនលោក Andrii Sybiha បានបង្ហាញនៅក្នុងការបង្ហោះប្រព័ន្ធផ្សព្វផ្សាយសង្គមថា រុស្ស៊ីមិនអើពើទាំងស្រុងចំពោះការអំពាវនាវឱ្យមានបទឈប់បាញ់ និងបន្តវាយប្រហារទីតាំងអ៊ុយក្រែន ដោយលើកឡើងពីការអាប់ដេតព័ត៌មានសម្ងាត់ចុងក្រោយពីអគ្គមេបញ្ជាការយោធាអ៊ុយក្រែន៕
ដោយ៖ ពេជ្រ
