យោងតាមការចុះផ្សាយរបស់អ្នកកាសែតដ៏ល្បីលោក Fabrizio Romano បានឲ្យដឹងថា លោក Xabi Alonso នឹងចាប់ផ្តើមការងារនៅក្លិប Real Madrid ចាប់ពីថ្ងៃទី១ មិថុនា ដើម្បីជំនួសតំណែងលោក Carlo Ancelotti ដែលនឹងទៅដឹកនាំក្រុមជម្រើសជាតិប្រេស៊ីល បន្ទាប់បញ្ចប់រដូវកាល ២០២៤-២៥។ ភារកិច្ចដំបូងរបស់លោក Xabi Alonso ដឹកនាំក្រុម Real Madrid ប្រកួត FIFA Club World Cup នៅអាមេរិក។
សូមជម្រាបថា បុរសសញ្ជាតិអេស្ប៉ាញ ដែលទើបលាគ្នាចុងក្រោយជាមួយ Bayer Leverkusen ទទួលបានកិច្ចសន្យារយៈពេល ៣ឆ្នាំ រហូតដល់ឆ្នាំ ២០២៨ នៅក្លិប Real Madrid ស្របពេលក្លិបមួយនេះក៏ត្រៀមរៀបចំពិធីលាគ្នាជាមួយនឹងលោក Carlo Ancelotti ដូចគ្នាដែរ៕
