ក្រុមបាល់ទាត់នារីជម្រើសជាតិកម្ពុជា បានឡើងទៅវគ្គផ្តាច់ព្រ័ត្រពានរង្វាន់បាល់ទាត់ AFF Women’s Cup 2024 ហើយ ក្រោយឈ្នះទីម័រខាងកើត ៣ទល់នឹង០ នៅវគ្គពាក់កណ្ដាលផ្ដាច់ព្រ័ត្រ នារសៀលថ្ងៃទី០២ ខែធ្នូ ឆ្នាំ២០២៤នៅពហុកីឡដ្ឋានជាតិឡាវ។
៣គ្រាប់របស់ក្រុមនារីកម្ពុជា រកបានដោយកីឡាការិនី សឿន វិផានាទីទី៣៦ និងកីឡាការិនី ភឿន គន្ធា រកបាន២គ្រាប់នៅនាទីទី៧៤ និងនាទីទី៩០បូក១។
តាមរយៈលទ្ធផលនេះកម្ពុជាឡើងទៅលេងជើងឯកបាល់ទាត់នារីអាស៊ាន២០២៥រួមជាមួយក្រុមដែលរង់ចាំមានដូចជាថៃ វៀតណាម ហ្វីលីពីន និងសហភាពមីយ៉ាន់ម៉ា៕
