ប្រទេសចិន បានជំរុញឱ្យសហរដ្ឋអាមេរិក មានការប្រុងប្រយ័ត្នបំផុតលើទំនាក់ទំនងជាមួយកោះតៃវ៉ាន់ដែលគ្រប់គ្រងតាមបែបប្រជាធិបតេយ្យ មុនពេលដំណើរដ៏រសើបរបស់លោកប្រធានាធិបតី Lai Ching-te នៅចុងសប្តាហ៍នេះ ទៅកាន់កោះហាវ៉ៃ និងកោះ Guam ជាផ្នែកនៃដំណើរទេសចរណ៍ប៉ាស៊ីហ្វិក ។
ប្រទេសចិន ដែលទាមទារតៃវ៉ាន់ជាទឹកដីរបស់ខ្លួន ប្រឆាំងរាល់អន្តរកម្មបរទេស ឬដំណើរទស្សនកិច្ចរបស់មេដឹកនាំកោះ ជាពិសេសអ្នកដែលពាក់ព័ន្ធនឹងសហរដ្ឋអាមេរិក។
ទន្ទឹមនោះ អ្នកនាំពាក្យក្រសួងការបរទេសសហរដ្ឋអាមេរិក បានរំលឹកឡើងវិញនូវជំហរដែលឆ្លងកាត់ដោយអាជ្ញាធរតៃវ៉ាន់ កម្រិតខ្ពស់គឺជាទម្លាប់ និងស្របតាមការអនុវត្តយូរអង្វែង លក្ខណៈមិនផ្លូវការនៃទំនាក់ទំនងរបស់យើងជាមួយតៃវ៉ាន់ និងគោលនយោបាយចិនតែមួយរបស់ក្រុងវ៉ាស៊ីនតោន ដែលនៅតែមិនផ្លាស់ប្តូរ។
អ្នកនាំពាក្យរូបនេះ បានបន្ថែមថា យើងមើលឃើញថាគ្មានហេតុផលសម្រាប់ការឆ្លងកាត់ជាលក្ខណៈឯកជន ទម្លាប់ និងក្រៅផ្លូវការដែលត្រូវប្រើជាលេសសម្រាប់ការបង្កហេតុនោះទេ។
យោងតាមការវាយតម្លៃរបស់តៃវ៉ាន់ និងមន្ត្រីសន្តិសុខក្នុងតំបន់ បានឱ្យដឹងថា ប្រទេសចិន ទំនងជានឹងចាប់ផ្តើមសមយុទ្ធយោធានៅប៉ុន្មានថ្ងៃខាងមុខនេះនៅជិតកោះតៃវ៉ាន់ ដោយយកដំណើរទស្សនកិច្ចរបស់លោក Lai ទៅកាន់មហាសមុទ្រប៉ាស៊ីហ្វិក និងកំណត់ពេលឈប់សម្រាកនៅសហរដ្ឋអាមេរិកជាលេស ៕
ដោយ៖ ពេជ្រ
