ប្រភពរដ្ឋាភិបាលជប៉ុនបានឲ្យដឹងថា ជប៉ុន អង់គ្លេស និងអ៊ីតាលីកំពុងពិចារណាបញ្ចូលអារ៉ាប៊ីសាអូឌីតក្នុងការអភិវឌ្ឍន៍រួមគ្នានៃយន្តហោះចម្បាំងជំនាន់ក្រោយរបស់ពួកគេ។ ប្រទេសទាំងបីកំពុងធ្វើការរួមគ្នាលើកម្មវិធី Global Combat Air Program ដើម្បីបង្កើតយន្តហោះចម្បាំងដែលមានសមត្ថភាពខ្ពស់ជាងម៉ូដែលទំនើបបំផុតដែលមាននាពេលបច្ចុប្បន្ន។ ពួកគេមានបំណងដាក់ពង្រាយយន្តហោះថ្មីនេះ ដែលនឹងអាចដំណើរការជាមួយយន្តហោះគ្មានមនុស្សបើកនៅឆ្នាំ ២០៣៥ ខាងមុខ។
ពួកគេទំនងជាសង្ឃឹមថា អារ៉ាប៊ីសាអូឌីតអាចជាប្រភពហិរញ្ញប្បទានថ្មីសម្រាប់គម្រោងដែលមានតម្លៃថ្លៃបំផុតមួយនេះ។ ប្រទេសទាំង ៣ ត្រូវបានគេរំពឹងថានឹងពិភាក្សាថាតើអារ៉ាប៊ីសាអូឌីតគួរតែចូលរួមក្នុងការអភិវឌ្ឍន៍ និងការផ្គុំយន្តហោះចម្បាំងកម្រិតណា ខណៈដែលបច្ចេកវិទ្យារបស់ប្រទេសឈូងសមុទ្រមិនត្រូវបានគេមើលឃើញថានៅកម្រិតទាប និងមិនអាចប្រៀបជាមួយនឹងពួកគេនៅទ្បើយ៕
ដោយ៖ ពេជ្រ
