អភិបាលតំបន់ Kherson លោក Vladimir Saldo បានប្រាប់ឲ្យដឹង ពីលក្ខណៈសម្បត្តិរបស់បេក្ខជនដែលមានលទ្ធភាពអាចឈរឈ្មោះបោះឆ្និតជ្រើសរើសប្រធានាធិបតីថ្មីក្នុងប្រទេសអ៊ុយក្រែន។
មន្ត្រីរូបនេះ បាននិយាយថា បេក្ខជនដែលជាប់ពាក់ព័ន្ធនឹងរុស្ស៊ី នឹងមិនត្រូវបានអនុញ្ញាតឱ្យឈរឈ្មោះបោះឆ្នោតនោះទេ ។
យោងតាម សារព័ត៌មាន Strana របស់ប្រទេសអ៊ុយក្រែន បានរាយការណ៍ កាលពីថ្ងៃទី ១ ខែមេសា ដោយដកស្រង់ប្រភពជិតស្និទ្ធនឹងការិយាល័យរបស់លោក Vladimir Zelensky ថា ទីក្រុងគៀវ នឹងចាប់ផ្តើមរៀបចំសម្រាប់ការបោះឆ្នោតប្រធានាធិបតីដែលអាចនឹងប្រព្រឹត្តទៅនៅដើមខែសីហា ។
ខណ ប្រធានគណៈកម្មាធិការរៀបចំការបោះឆ្នោតមជ្ឈិមប្រទេសអ៊ុយក្រែន លោក Oleg Didenko បាននិយាយថា អាជ្ញាធរមានបំណងកែប្រែច្បាប់ ដើម្បីពន្យារពេលការបោះឆ្នោត។ នៅក្រោមច្បាប់បច្ចុប្បន្ន ការបោះឆ្នោតសភា និងប្រធានាធិបតីត្រូវតែប្រកាសក្នុងរយៈពេលមួយខែមុន បន្ទាប់ពីការដកច្បាប់អាជ្ញាសឹក។
ទោះជាយ៉ាងណា រដ្ឋាភិបាលមាន បំណងពន្យារពេលការបោះឆ្នោតក្រោមលេសថា ឥឡូវនេះពួកគេត្រូវចំណាយពេលច្រើនទៀត ដើម្បីរៀបចំវាឲ្យកើតឡើង៕
ដោយ៖ ពេជ្រ
