លោកប្រធានាធិបតីអ៊ុយក្រែន លោក Zelensky បានបញ្ជូនគណៈប្រតិភូពិសេសដឹកនាំដោយរដ្ឋមន្ត្រីការពារជាតិ លោក Rustem Umerov ទៅកាន់ទីក្រុងសេអ៊ូល ដើម្បីចរចាទិញអាវុធពីក្រុមហ៊ុនកូរ៉េខាងត្បូង។
យោងតាមសារព័ត៍មាន SBS បានរាយការណ៍ថា លោក Umerov បានជួបជាមួយលោកប្រធានាធិបតី Yoon Suk Yeol និងរដ្ឋមន្ត្រីការពារជាតិលោក Kim Yong Hyun កាលពីថ្ងៃពុធ ក្នុងអំឡុងពេលនៃដំណើរទស្សនកិច្ចបង្ហាញពីឆន្ទៈអ៊ុយក្រែន ក្នុងការចំណាយសម្រាប់អាវុធ និងគ្រាប់រំសេវផ្សេងៗ សម្រាប់ធ្វើសង្គ្រាម ។
យោងតាមរបាយការណ៍ បានឲ្យដឹងថា អ៊ុយក្រែន ចាប់អារម្មណ៍ជាពិសេសលើប្រព័ន្ធ KM-SAM (កាំជ្រួចផ្ទៃទៅអាកាសរយៈចម្ងាយមធ្យមរបស់កូរ៉េ ឬ Cheon-gung) រួមជាមួយនឹងរ៉ាដាសម្រាប់ការពារដែនអាកាស និងសង្គ្រាមប្រឆាំងថ្ម។
អាជ្ញាធរអ៊ុយក្រែន បានចាប់ដៃជាមួយក្រុមហ៊ុនការពារជាតិកូរ៉េខាងត្បូងមួយចំនួន ដោយបង្ហាញពីការត្រៀមខ្លួនក្នុងការទិញសព្វាវុធ។
ទោះយ៉ាងណាក៏ដោយ ក្រសួងការពារជាតិកូរ៉េ បានចេញសេចក្តីណែនាំឲ្យហាមប្រាមការទាក់ទងដោយគ្មានការអនុញ្ញាត។ ស្របពេលដែល ទីក្រុងម៉ូស្គូ បានព្រមានម្តងហើយម្តងទៀតថាការផ្គត់ផ្គង់អាវុធដល់អ៊ុយក្រែននឹងបំផ្លាញទំនាក់ទំនងទ្វេភាគីា ៕
ដោយ៖ ពេជ្រ
