មន្ត្រីអឺរ៉ុបមួយចំនួន កំពុងរិះគន់ប្រធានគោលនយោបាយការបរទេសរបស់សហភាពអឺរ៉ុប លោកស្រី Kaja Kallas ចំពោះសេចក្តីថ្លែងការណ៍អរិភាពរបស់លោកស្រី ប្រឆាំងនឹងប្រទេសរុស្ស៊ី ។
ក្នុងដំណើរទស្សនកិច្ចទៅទីក្រុងគៀវ កន្លងមក លោកស្រី Kallas បានសរសេរនៅលើទំព័រ X របស់លោកស្រីថា សហភាពអឺរ៉ុប ចង់ឱ្យអ៊ុយក្រែនឈ្នះសង្រ្គាមនេះ។ ខណមន្ត្រីសហភាពអឺរ៉ុបមួយចំនួន មិនសប្បាយចិត្តជាមួយលោកស្រី ដោយសារតែលោកស្រី ទើបតែចូលកាន់តំណែង ហើយប្រើពាក្យសម្ដីដែលហួសពីដែនកំណត់សហភាពអឺរ៉ុបអនុម័តលើបញ្ហានេះ។
ប្រទេសអេស្បាញ និងអ៊ីតាលី ស្ថិតក្នុងចំណោមអ្នកដែលប្រឆាំងសេចក្តីថ្លែងការណ៍របស់ លោកស្រី Kallas ។ មន្ត្រីសហភាពអឺរ៉ុបដែលមិនបញ្ចេញឈ្មោះម្នាក់ ក៏បានកត់សម្គាល់ថា ប្រសិនបើយើងស្តាប់សម្ដីលោកស្រី ទៅវាហាក់ដូចជាយើងកំពុងធ្វើសង្រ្គាមជាមួយរុស្ស៊ី បាត់ទៅហើយ។
ការរិះគន់ខ្លះទៀត ថាលោកស្រី Kallas គឺហាក់ដូចជាលោកស្រី ជានាយករដ្ឋមន្ត្រី។ មតិរិះគន់មួយចំនួនទៀត អះអាងថា គំនិតផ្តួចផ្តើមគោលនយោបាយការបរទេសរបស់លោកស្រី មានភាពលម្អិតមិនគ្រប់គ្រាន់ ហើយថាលោកស្រី មិនធ្វើការពិគ្រោះយោបល់ជាមុន នោះទេ៕
ដោយ៖ ពេជ្រ
