ប្រធានាធិបតីបារាំងលោក Emmanuel Macron បាននិយាយកាលពីថ្ងៃអង្គារថា ប្រទេសបារាំងនឹងធ្វើឱ្យប្រសើរឡើងនូវមូលដ្ឋានទ័ពអាកាសដ៏សំខាន់មួយរបស់ខ្លួននៅតាមព្រំដែនជាមួយប្រទេសអាឡឺម៉ង់ដើម្បីធ្វើជាម្ចាស់ផ្ទះសម្រាប់យន្តហោះចម្បាំង Rafale ដែលបំពាក់ដោយកាំជ្រួចនុយក្លេអ៊ែរ។
គួររំលឹកថា មូលដ្ឋាន Luxeuil-Saint-Sauveur នៅភាគខាងកើតប្រទេសបារាំងបានរៀបចំអាវុធនុយក្លេអ៊ែររហូតដល់ឆ្នាំ ២០១១នៅពេលដែលយន្តហោះត្រូវបានផ្លាស់ប្តូរទីតាំងទៅកន្លែងផ្សេង។
លោក Macron បានបញ្ជាក់ថា មូលដ្ឋានទ័ពអាកាស Luxeuil ជិតនឹងត្រូវបានធ្វើឱ្យប្រសើរឡើងតាមរបៀបដែលមិនធ្លាប់មានពីមុនមក ហើយទទួលបានតួនាទីពេញលេញរបស់ខ្លួនឡើងវិញក្នុងការទប់ស្កាត់នុយក្លេអ៊ែររបស់ប្រទេសបារាំង។ លោកក៏បានប្រកាសដែរថា នៅឆ្នាំ ២០៣៥ ខាងមុខ Luxeuil នឹងក្លាយជាមូលដ្ឋានដំបូងគេក្នុងការធ្វើជាម្ចាស់ផ្ទះនៃកំណែទម្រង់បន្ទាប់នៃ Rafale និងកាំជ្រួចនុយក្លេអ៊ែរលឿនជាងសំឡេង។ លោកបានបន្ថែមថា យោធភូមិភាគនេះ នឹងបង្កើនទំហំទ្វេដងដល់បុគ្គលិកយោធា និងស៊ីវិលជិត ២.០០០ នាក់ ដែលក្នុងនោះ នឹងទទួលបានកងទ័ព Rafale ចំនួន ២ ផងដែរ។លោកបន្ថែមថា រដ្ឋាភិបាលនឹងចំណាយប្រាក់ ១.៥ ពាន់លានអឺរ៉ូ (១.៦៤ពាន់លានដុល្លារ) ដើម្បីធ្វើទំនើបកម្មមូលដ្ឋាន និងបង្កើនល្បឿនការបញ្ជាទិញ Rafale ។
ដោយមិននិយាយពីឈ្មោះរុស្ស៊ី លោក Macron បានលើកទ្បើងថា ប្រទេសបារាំងបានរកឃើញដោយខ្លួនឯងនៅក្នុងពិភពលោកដ៏សែនគ្រោះថ្នាក់ និងមិនច្បាស់លាស់ ចាប់តាំងពីអរិភាពបើកចំហបានផ្ទុះឡើងរវាងទីក្រុងម៉ូស្គូ និងទីក្រុងគៀវក្នុងឆ្នាំ ២០២២។
សូមជម្រាបថា ការប្រកាសរបស់លោក Macron បែបនេះធ្វើឡើងបន្ទាប់ពីអធិការបតីអាល្លឺម៉ង់ លោក Friedrich Merz បានស្នើថា បារាំងអាចពង្រីកឃ្លាំងអាវុធនុយក្លេអ៊ែររបស់ខ្លួនដើម្បីការពារអាល្លឺម៉ង់ និងសមាជិកសហភាពអឺរ៉ុបផ្សេងទៀត។ លោក Macron បានឆ្លើយតបដោយនិយាយថាលោកនឹងចាប់ផ្តើមការពិភាក្សាលើបញ្ហានេះដោយធ្វើវាជាការប្រញ៉ាប់។
ប៉ុន្តែរុស្ស៊ីបានថ្កោលទោសកម្មវិធី «យោធា» របស់សហភាពអឺរ៉ុបដោយលើកពីការព្រមានថា បើមិនប្រុងប្រយ័ត្ន និងមានបញ្ហាជម្លោះកើនឡើង។ អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកយកព័ត៌មានកាលពីដើមខែនេះថា “ការប្រឈមមុខដាក់គ្នារវាងវោហាសាស្ត្រ និងផែនការប្រឈមមុខគ្នា ដែលឥឡូវនេះយើងកំពុងមើលឃើញនៅទីក្រុងប្រ៊ុចសែល និងក្នុងរដ្ឋធានីអឺរ៉ុប ដែលវាអាចនឹងរារាំងការស្វែងរកដំណោះស្រាយដោយសន្តិវិធីនៃជម្លោះអ៊ុយក្រែន៕
ដោយ៖ ពេជ្រ
