លោក Koji Gyotoku ត្រូវបានសហព័ន្ធកីឡាបាល់ទាត់កម្ពុជា ផ្ដល់ទំនុងចិត្តតែងតាំងបង្គោលក្រុមជម្រើសជាតិកម្ពុជា និងក្រុមជម្រើសជាតិកម្ពុជាអាយុក្រោម ២៣ឆ្នាំ ជាផ្លូវការ កាលពីថ្ងៃទី១០ ខែមីនា ឆ្នាំ២០២៥ ដែលកុងត្រារបស់លោកមានរយៈពេល ១ឆ្នាំ។
ជុំវិញការតែងតាំងនេះលោកកែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជា (FFC) បានលើឡើងបែបនេះថា ៖ ការដឹកនាំរបស់លោក Koji នៅជើងឯកអាស៊ាន គឺគាត់ដឹកនាំបានល្អ។ នេះមិនមែនយើងមើលតែលទ្ធផលមួយមុខនោះទេ តែយើងបានពិនិត្យលើការគ្រប់គ្រង របៀបដឹកនាំក្រុមដ៏ហ្មត់ចត់របស់គាត់»។ លោក កែវ សារ៉េត បន្ថែមថាគណៈកម្មាការប្រតិបត្តិ បានសង្កេតគ្រូសញ្ជាតិជប៉ុនរូបនេះ និងបានប្រៀបធៀបទៅបេក្ខភាពគ្រូផ្សេងទៀតទាំងក្នុងស្រុក និងក្រៅស្រុក មុនសម្រេចចុះកិច្ចសន្យារយៈពេលមួយឆ្នាំ។
សូមជម្រាបថា ភារកិច្ចដំបូងរបស់លោក Koji នៅឆ្នាំ២០២៥នេះ នឹងដឹកនាំក្រុមគោព្រៃកម្ពុជា ប្រកួតមិត្តភាពអន្តរជាតិ វៀតណាម ថ្ងៃទី១៩ ខែមីនា នៅកីឡដ្ឋាន Go Dau Stadium ប្រទេសវៀតណាម និងដឹកនាំកម្ពុជា ជួបអារូបា ថ្ងៃទី២៥ ខែមីនា ឆ្នាំ២០២៥ ម៉ោង ៧:០០នាទីយប់ពហុកីឡដ្ឋានជាតិ (អូឡាំពិក)៕
