ការប្រកួតពានរង្វាន់សម្តេចអគ្គមហាសេនាបតីតេជោ ហ៊ុន សែន (18th Hun Sen Cup) ជើងឯកថ្នាក់ខេត្ត លើកទី១៨ ឆ្នាំ២០២៤/២៥ បានរកឃើញ២ក្រុមហើយឡើងវគ្គពាក់កណ្ដាលផ្ដាច់ព្រ័ត្ររួមមាន៖ សមាគមបាល់ទាត់ខេត្តកែប និង ក្លិបបាល់ទាត់ឡាយអ៊ិនឃីង ខេត្តសៀមរាប ។
ដោយឡែក២ក្រុមដែលត្រូវប្រកួតគ្នាដណ្ដើមកៅអីវគ្គពាក់កណ្ដាលផ្ដាច់ព្រ័ត្រនារសៀលនេះសម្រាប់ជើងទី២ រួមមាន ៖ សមាគមបាល់ទាត់ខេត្តស្វាយរៀង ជួប មន្ទីរអប់រំយុវជននិងកីឡាខេត្តត្បូងឃ្មុំ និងក្លិបបាល់ទាត់ឈើតុំ ខេត្តពោធិ៍សាត់ ជួប មន្ទីរអប់រំយុវជននិងកីឡា ខេត្តកំពង់ចាម។
សូមជម្រាបថា សម្រាប់ការប្រកួតជើងទី១ មន្ទីរអប់រំយុវជននិងកីឡាខេត្តត្បូងឃ្មុំ ១-០ សមាគមបាល់ទាត់ខេត្តស្វាយរៀង និងមន្ទីរអប់រំយុវជននិងកីឡា ខេត្តកំពង់ចាម ៥-១ ក្លិបបាល់ទាត់ឈើតុំ ខេត្តពោធិ៍សាត់។ ចំណែកកម្មពិធីការប្រកួតវគ្គពាក់កណ្ដាលផ្ដាច់ព្រ័ត្រយើងនឹងជម្រាបជូននៅពេលក្រោយ៕
