ប្រធានាធិបតីបណ្តោះអាសន្នស៊ីរី លោក Ahmed al-Sharaa បានអំពាវនាវដល់អ្នកគាំទ្រប្រដាប់អាវុធរបស់អតីតប្រធានាធិបតី លោក Bashar Assad ឱ្យបញ្ចប់ភាពតានតឹងតាមរយៈការបញ្ឈប់ការផ្ទុះអាវុធ ។
លោក al-Sharaa បាននិយាយ ក្នុងវីដេអូមួយនៅលើ Telegram ថា សំណល់នៃអតីតរបបនេះ ត្រូវការគំនិតផ្តួចផ្តើម និងបញ្ឈប់ការប្រឈមមុខដាក់គ្នា ។
លោក បានសង្កត់ធ្ងន់ថា អាជ្ញាធរថ្មីរបស់ប្រទេស នឹងរងការយាយី បៀតបៀនពីអ្នកដែលនៅសេសសល់ពីរបបដែលដួលរលំ ដូច្នេះ អ្នកដែលបន្តវាយប្រហារលើប្រជាជនស្លូតត្រង់នឹងត្រូវយកមកកាត់ទោសដោយយុត្តិធម៌ ។
គួរបញ្ជាក់ថា កាលពីថ្ងៃទី៦ ខែមីនា ការប៉ះទង្គិចគ្នា បានផ្ទុះឡើងនៅក្នុងតំបន់ផ្សេងៗនៃអភិបាលខេត្ត Latakia រវាងកងកម្លាំងសន្តិសុខស៊ីរី និងក្រុមប្រដាប់អាវុធដែលគាំទ្រអតីតលោកប្រធានាធិបតីស៊ីរី Bashar Assad ។ ការប្រយុទ្ធគ្នាយ៉ាងខ្លាំងបំផុតបានកើតឡើងក្នុងក្រុង Jableh ជាទីតាំងរបស់ក្រុម Alawites ដែលជាអ្នកតំណាងនៃជនជាតិភាគតិចសាសនា និងជាកម្មសិទ្ធិរបស់គ្រួសារលោក Assad ផងដែរ។ អាជ្ញាធរបានដាក់ពង្រាយអង្គភាពកងទ័ពចំនួន ៣ អង្គភាព និងរថពាសដែក រួមទាំងការដាក់បម្រាមគោចរក្នុងទីក្រុងធំៗ ៕
ដោយ៖ ពេជ្រ
