ប្រធានាធិបតីអាមេរិក លោក Donald Trump បាននិយាយ នៅក្នុងការសន្ទនាជាមួយអ្នកសារព័ត៌មាននៅក្នុងការិយាល័យរបស់លោកថា បណ្តាប្រទេសអ៊ឺរ៉ុប នឹងទទួលបន្ទុកចម្បងក្នុងការជួយប្រទេសអ៊ុយក្រែន ខណដែលបច្ចុប្បន្នសហរដ្ឋអាមេរិក មិនបញ្ជូនអ្វីទៅទីក្រុងគៀវនោះទេ។
លោក Trump ត្រូវបានគេសួរថាតើលោក នឹងគាំទ្រអ៊ុយក្រែននាពេលអនាគតដែរ ឬទេ។ លោកប្រធានាធិបតី បានឆ្លើយថា ខ្ញុំគិតថាអឺរ៉ុប នឹងទទួលខុសត្រូវយ៉ាងធំធេងចំពោះរឿងនោះ ព្រោះបច្ចុប្បន្ន យើងមិនផ្តល់អ្វីដល់ពួកគេទេ ។
លោក បានបន្ថែមថា យើងមានកិច្ចពិភាក្សាល្អជាមួយរុស្ស៊ី យើងមានកិច្ចពិភាក្សាល្អជាមួយអ៊ុយក្រែន ដូចគ្នា ។
គួរបញ្ជាក់ថា ក្រោយ Trump ចូលកាន់តំណែងជាផ្លូវការមក លោក បានកាត់ផ្ដាច់នូវជំនួយមួយចំនួនធំ សម្រាប់អ៊ុយក្រែន ដោយគិតថាវាមិនមានប្រយោជន៍ដល់អាមេរិក ៕
ដោយ៖ ពេជ្រ
