អ្នកគាំទ្រអតីតមេដឹកនាំបក្សប្រឆាំងរុស្ស៊ី លោក Alexei Navalny ច្រើននាក់បានទៅទស្សនាផ្នូររបស់គាត់នៅទីក្រុងមូស្គូ ដើម្បីប្រារព្ធខួបមួយឆ្នាំចាប់តាំងពីគាត់បានទទួលមរណភាពនៅក្នុងអាណានិគមកាត់ទោសអាកទិក។
រដ្ឋបាលរបស់ប្រធានាធិបតីលោក វ្ល៉ាឌីមៀ ពូទីន បាននឹងកំពុងរឹតបន្តឹងការបង្រ្កាបលើការមិនយល់ស្របឬប្រឆាំង និងកាត់បន្ថយសេរីភាពក្នុងការបញ្ចេញមតិ បន្ទាប់ពីការស្លាប់របស់លោក Navalny ។
មនុស្សដែលត្រូវបានគេជឿថាមានទំនាក់ទំនងជាមួយក្រសួងមហាផ្ទៃកំពុងឃ្លាំមើលអ្នកកាន់ទុក្ខនៅឯទីបញ្ចុះសពកាលពីថ្ងៃអាទិត្យម្សិលមិញ។
អ្នកគាំទ្រ Navalny បាននិយាយថាប្រជាជននៅក្នុងប្រទេសរុស្ស៊ីជាអកុសលរស់នៅក្នុងការពិតដែលសេរីភាពនៃការបញ្ចេញមតិឬសេរីភាពនៃអ្វីទាំងអស់ស្តាប់ទៅដូចជារឿងនិទាន។ អ្នកគាំទ្រម្នាក់ទៀតបាននិយាយថា Navalny បានផ្តល់ក្តីសង្ឃឹម និងជំនឿដល់មនុស្សថាអ្វីៗនឹងប្រែជាល្អនៅទីបំផុត។
អាជ្ញាធររុស្ស៊ីបានបង្ហាញពីការស្លាប់របស់ Navalny កាលពីថ្ងៃទី 16 ខែកុម្ភៈឆ្នាំមុន។ ពួកគេបាននិយាយថា គាត់បានស្លាប់ដោយសារមូលហេតុធម្មជាតិឬជំងឺ។
ប៉ុន្តែស្ត្រីមេម៉ាយដែលជាភរិយារបស់គាត់ឈ្មោះ Yulia Navalnaya បានចោទប្រកាន់អាជ្ញាធរថាបានលេងប្រើបាតដៃក្នុងការដាក់ថ្នាំបំពុលបណ្តាលឲ្យប្តីរបស់គាត់យ៉ាងអាណោចអាធម។ អត្ថបទមួយដែលយកដោយគេហទំព័ររាយការណ៍ស៊ើបអង្កេតឯករាជ្យរបស់រុស្ស៊ីកាលពីខែកញ្ញាក៏បាននិយាយដែរថាឯកសារផ្លូវការដែលខ្លួនទទួលបានបញ្ជាក់ថាគាត់ត្រូវបានគេបំពុលក្នុងគុកបណ្តាលឲ្យស្លាប់៕
ដោយ៖ ពេជ្រ
