អគ្គលេខាធិការសហព័ន្ធបាល់ទាត់កម្ពុជា បានចេញមកបញ្ជាក់ហើយពាក់ព័ន្ធរឿងក្រុមជម្រើសជាតិកម្ពុជា លេងជំនួសប៉ាគីស្ថាន ក្នុងវគ្គជម្រុះពានរង្វាន់ AFC Asian Cup 2027 ខណៈអ្នកគាំទ្រជាច្រើនចង់ឲ្យក្រុមគោព្រៃកម្ពុជាបានចូលលេងក្នុងពាននេះ។
យ៉ាងណាមិញជុំវិញបញ្ហានេះលោក កែវ សារ៉េត អគ្គលេខាធិការសហព័ន្ធកីឡាបាល់ទាត់កម្ពុជា បាននិយាយថា «យើងក៏ចង់ឲ្យជម្រើសជាតិកម្ពុជាបានលេងដូចអ្នកគាំទ្រដែរ ប៉ុន្តែអ្វីដែលជាការសម្រេចគឺស្ថិតនៅលើ AFC។ យើងរង់ចាំស្តាប់គេដែរ ប៉ុន្តែអត់មានដំណឹងពីខាងគេមកផង។ បើមានព័ត៌មានអ្វី ចាំខ្ញុំចែករំលែកជូន»៕
