បន្ទាប់ពី Sergio Ramos បានចុះហត្ថលេខាជាមួយក្លឹបម៉ិកស៊ិក Monterrey ភរិយារបស់លោកដែលជាពិធីករទូរទស្សន៍អេស្ប៉ាញ Pilar Rubio បានសម្រេចចិត្តមិនចូលរួមជាមួយក្លិបប្ដីលោកស្រីនៅម៉ិកស៊ិក។
លោក Ramos ជាកីឡាករគ្មានតម្លៃខ្លួនចាប់តាំងពីចាកចេញពី Sevilla នៅពាក់កណ្តាលឆ្នាំ ២០២៤ បានត្រលប់មកទីលានប្រកួតជាមួយ Monterrey ក្នុងកិច្ចសន្យារយៈពេលមួយឆ្នាំ ដោយបានជ្រើសរើសពាក់អាវលេខ ៩៣ ។
យ៉ាងណាមិញ ទង្វើនេះបានបង្កើតភាពតានតឹងក្នុងចំណងអាពាហ៍ពិពាហ៍របស់ពួកគេ។ យោងតាមអ្នកកាសែត Javi de Hoyos និង Bild បានឲ្យដឹងថាលោកស្រី Rubio បានសម្រេចចិត្តស្នាក់នៅប្រទេសអេស្ប៉ាញសម្រាប់អាជីពរបស់លោកស្រី។
ប្រភពីអ្នកជិតស្និទ្ធនឹងលោកស្រី Rubio បាននិយាយថាលោកស្រី ធុញទ្រាន់នឹងការដើរជុំវិញ” ។ “លោកស្រីបានទៅប៉ារីសជាមួយប្ដី(Ramos) បន្ទាប់មកត្រលប់ទៅ Seville ហើយឥឡូវនេះលោកស្រីបានតាំងទីលំនៅនៅទីក្រុង Madrid សម្រាប់អាជីពរបស់លោកស្រី។
លោកស្រី Rubio វ័យ៤៦ឆ្នាំ គឺចាស់ជាង Ramos ៨ឆ្នាំ។ ប្តីប្រពន្ធនេះបានរួមរស់ជាមួយគ្នាតាំងពីឆ្នាំ ២០១២ ហើយរៀបការនៅឆ្នាំ ២០១៩។ ពួកគេមានកូន៤នាក់គឺ Sergio Jr, Marco, Alejandro និង Máximo Adriano ៕
