ប្រធានាធិបតីតៃវ៉ាន់ លោក ឡៃ ឈីងតេ បានទៅដល់រដ្ឋហាវ៉ៃរបស់សហរដ្ឋអាមេរិក ដើម្បីបំពេញទស្សនកិច្ចរយៈពេល ២ ថ្ងៃ ដែលធ្វើឲ្យភាគីចិន មានការខឹងសម្បារ។
ដំណើរទស្សនកិច្ចនេះ ត្រូវបានគេចាត់ទុកថាជាពេលឈប់សម្រាកសម្រាប់លោក បន្ទាប់ពីដំណើរទេសចរណ៍នៅប៉ាស៊ីហ្វិក ប៉ុន្តែកើតឡើងចំពេលដែលភាពតានតឹងដ៏យូររវាងសហរដ្ឋអាមេរិក និងចិន ក៏ដូចជាការព្រួយបារម្ភកាន់តែខ្លាំងឡើងអំពីលទ្ធភាពនៃជម្លោះនៅកោះតៃវ៉ាន់។
បន្ទាប់ពីបានទៅដល់កោះហាវ៉ៃ លោក ឡៃ ក៏បាននិយាយថា សង្រ្គាមនឹងមិនមានអ្នកឈ្នះទេ ហើយថាយើងត្រូវប្រយុទ្ធជាមួយគ្នាដើម្បីការពារសង្គ្រាមរៀងខ្លួន ។
ទន្ទឹមនោះ ក្រសួងការបរទេសចិន បានលើកឡើងថា ខ្លួនថ្កោលទោសយ៉ាងខ្លាំង ចំពោះដំណើរទស្សនកិច្ចនេះ ហើយថាខ្លួនតវ៉ាយ៉ាងធ្ងន់ធ្ងរជាមួយសហរដ្ឋអាមេរិក ។
គួរបញ្ជាក់ថា ប្រទេសចិន បានចាត់ទុកកោះតៃវ៉ាន់ ដែលបែកបាក់នៅឆ្នាំ ១៩៤៩ បន្ទាប់ពីសង្គ្រាមស៊ីវិលចិន ថាជាផ្នែកនៃទឹកដីរបស់ខ្លួន ហើយប្រឆាំងនឹងការចូលរួមការទូតណាមួយជាមួយប្រទេសដទៃទៀត។ ស្របពេលដែល អាមេរិក បានរក្សាគោលនយោបាយមិនច្បាស់លាស់ដោយចេតនាជាយូរមកហើយចំពោះកោះនេះ ដោយបដិសេធមិនទទួលស្គាល់ឯករាជ្យភាព ប៉ុន្តែរក្សាទំនាក់ទំនងក្រៅផ្លូវការជាមួយរដ្ឋាភិបាលរបស់ខ្លួន ៕
ដោយ៖ ពេជ្រ
