ក្រសួងការពារជាតិអ៊ុយក្រែន បានប្រកាសចាប់ផ្តើមជ្រើសរើសកងទ័ពជាបុរស ដែលមានអាយុពី ១៨ ដល់ ២៤ ឆ្នាំ ក្នុងលក្ខខណ្ឌកិច្ចសន្យា ។
សេចក្តីថ្លែងការណ៍ដែលចុះផ្សាយដោយក្រសួង បានឲ្យដឹងថា អាជ្ញាធរអ៊ុយក្រែន បើកដំណើរការជាផ្លូវការនូវគម្រោងកិច្ចសន្យាកងទ័ពអាយុពី ១៨-២៤ ឆ្នាំ ។
យោងតាមក្រសួង បានបញ្ជាក់ថា កិច្ចសន្យានេះ កញ្ចប់ប្រាក់ខែប្រចាំខែ មានរហូតដល់ ១២០,០០០ hryvnia (២,៩០០ ដុល្លារ) ។
ក្រសួងការពារជាតិដដែល ក៏បានអះអាងថា នៅពេលកិច្ចសន្យាបញ្ចប់ នឹងមានការបន្តរយៈពេល ១២ ខែ បន្ថែមទៀត ។
គួរបញ្ជាក់ថា ថ្មីៗនេះ មានការបន្ថយអាយុជ្រើសរើសកងទ័ពដោយអាជ្ញាធរអ៊ុយក្រែន មកត្រឹម ១៨ ឆ្នាំ ដោយមានការគាំទ្រពីសហរដ្ឋអាមេរិក ។ ទោះជាយ៉ាងណា កងទ័ពអ៊ុយក្រែន នៅតែបន្តជួបប្រទះនឹងការខ្វះខាតបុគ្គលិកដដែល ៕
ដោយ៖ ពេជ្រ
