យោងតាមការចេញផ្សាយរបស់សារព័ត៌មាន BBC បានឲ្យដឹងថា Neymar បានបញ្ចប់កុងត្រាជាមួយក្រុម Al-Hilal របស់ Saudi Pro League រួចរាលហើយដោយការយល់ព្រមគ្នាទៅវិញទៅមក។
ខ្សែប្រយុទ្ធសញ្ជាតិប្រេស៊ីលវ័យ ៣២ ឆ្នាំរូបនេះបានចូលរួមក្នុងតម្លៃ ៩០លានអឺរ៉ូ (៧៧.៦ លានផោន) ក្នុងខែសីហា ឆ្នាំ ២០២៣ ប៉ុន្តែបានលេងឱ្យក្លឹបបានតែ ៧ប្រកួតប៉ុណ្ណោះបន្ទាប់ពីរងរបួស។
Neymar ត្រូវបានផ្សារភ្ជាប់យ៉ាងខ្លាំង ជាមួយនឹងការវិលត្រឡប់ទៅកាន់អតីតក្លឹប Santos ក្នុងប្រទេសប្រេស៊ីល។
Al-Hilal បាននិយាយថា “ក្លឹបសូមថ្លែងអំណរគុណ និងអរគុណចំពោះ Neymar សម្រាប់អ្វីដែលគាត់បានផ្តល់ឱ្យពេញមួយអាជីពរបស់គាត់នៅ Al-Hilal ហើយសូមជូនពរឱ្យរូបគេទទួលបានជោគជ័យក្នុងអាជីព” ៕
