កូរ៉េខាងជើង បានបាញ់បង្ហោះនូវមីស៊ីលមិនស្គាល់អត្តសញ្ញាណ ឆ្ពោះទៅសមុទ្រជប៉ុន ។ នេះបើតាមសារព័ត៌មាន Yonhap ដែលបានដកស្រង់សម្តីរបស់អគ្គសេនាធិការចម្រុះកូរ៉េខាងត្បូង។
យោងតាមសារព័ត៌មាន News1 ក្នុងស្រុកមួយផ្សេងទៀត បានបញ្ជាក់ថា ការបាញ់នេះអាចជាប្រភេទគ្រាប់ផ្លោង ។
កូរ៉េខាងជើង បានបាញ់បង្ហោះមីស៊ីលជាលើកដំបូងរបស់ខ្លួន នៅឆ្នាំនេះ កាលពីថ្ងៃទី៦ ខែមករា ដែលជាប្រភេទលឿនជាងសំឡេង។
ការបាញ់បង្ហោះដោយជោគជ័យនេះ លោក គីម ជុងអ៊ុន បាននិយាយភ្លាមៗនោះថា មីស៊ីលល្បឿនលឿនជាងសំឡេងថ្មីនេះ បង្កើតឡើងក្នុងគោលបំណងការការពារខ្លួន។
ស្របពេលដែលកាលពីថ្ងៃទី៩ ខែមករា តំណាងអចិន្ត្រៃយ៍រុស្ស៊ីប្រចាំអង្គការសហប្រជាជាតិ លោក Vasily Nebenzya បានលើកឡើងថា សមយុទ្ធយោធារួមគ្នារបស់សហរដ្ឋអាមេរិក ជប៉ុន និងកូរ៉េខាងត្បូង នៅជិតព្រំដែនកូរ៉េខាងជើង គឺជាការបំពានដោយចេតនាលើច្បាប់អន្តរជាតិ៕
ដោយ៖ ពេជ្រ
