ក្រុមបាល់ទាត់ព្រះខ័នរាជស្វាយរៀង បានរងបរាជ័យក្រោមថ្វីជើងក្រុមខ្លាំងពីឥណ្ឌូណេស៊ី PSM Makassar ដោយលទ្ធផល ១-០ ក្នុងពានរង្វាន់ ASEAN Club Championship Shopee Cup 2024/25 នៅពហុកីឡដ្ឋានជាតិ។
សម្រាប់ការប្រកួតនេះក្រុមភ្ញៀវ PSM Makassar បានរកគ្រាប់ជ័យជម្នះតាំងពីដើមតង់ទី១ ដោយក្រុមម្ចាស់ផ្ទះព្យាយាមសម្រុកយ៉ាងខ្លាំងតែមិនអាចរកគ្រាប់បាល់តាមស្មើបានឡើយ។ ចប់ការប្រកួតជាផ្លូវការ ស្វាយរៀង ចាញ់ PSM ១-០។ ដូច្នេះឱកាសប្រជែងកៅអីវគ្គ4ក្រុមចុងក្រោយ របស់ក្លិបព្រះខ័នរាជស្វាយរៀង កាន់តែតិចតួចស្ដួចស្ដើងហើយ។
សូមជម្រាបថា បច្ចុប្បន្ន PSM Makassar បន្តឈរកំពូលតារាងពូល A ជាបណ្ដោះអាសន្ន ដោយមាន៧ពិន្ទុ ក្រោយឆ្លងកាត់៣ប្រកួត ខណៈព្រះខ័នរាជស្វាយរៀង ឈរលេខ៥ក្នុងពូលដោយមាន៣ពិន្ទុ៕
