អាជ្ញាធរកូរ៉េខាងត្បូង បានចាប់ផ្តើមប្រគល់សាកសពជនរងគ្រោះនៃការផ្ទុះយន្តហោះដល់ក្រុមគ្រួសារ នៅថ្ងៃអង្គារនេះ ខណដែលអ្នកស៊ើបអង្កេត នៅតែប្រតិបត្តិការដើម្បីកំណត់ពីមូលហេតុដែលនាំឲ្យយន្តហោះ Jeju Air Boeing 737-800 មានបញ្ហា។
ក្រុមមន្ត្រី បាននិយាយថា អ្នកស៊ើបអង្កេតសហរដ្ឋអាមេរិក រួមទាំងមកពីក្រុមហ៊ុន Boeing ផ្ទាល់គឺទៅដល់កន្លែងធ្លាក់នៅភាគនិរតីនៃក្រុង Muan ខណដែលអាជ្ញាធរកូរ៉េខាងត្បូង ចាប់ផ្តើមវាយតម្លៃប្រអប់ខ្មៅចំនួន ២ យកចេញពីបំណែកយន្តហោះដែលឆេះអស់។
យន្តហោះ Jeju Air Boeing 737-800 បានដឹកមនុស្ស ១៨១ នាក់ពីប្រទេសថៃ ឆ្ពោះទៅកាន់ប្រទេសកូរ៉េខាងត្បូង ហើយព្យាយាមចុះចត មុនពេលជួបឧបទ្ទវហេតុ។
យោងតាមអាជ្ញាធរ អះអាងថា មនុស្ស ១៧៩ នាក់ស្លាប់បាត់បង់ជីវិត និង ២ នាក់ ត្រូវបានជួយសង្គ្រោះ ខណកូរ៉េខាងត្បូង កំពុងប្រារព្ធពិធីកាន់ទុក្ខរយៈពេល ៧ ថ្ងៃ ដោយបង្ហោះទង់ជាតិពាក់កណ្តាលបង្គោល ៕
ដោយ៖ ពេជ្រ
