ក្រោយឈ្នះលើក្រុមទីម័រ កាលពីម្សិលមិញ ខ្សែការពារទើបចូលសញ្ជាតិ Takaki Ose បានបង្ហោះសារថា រីករាយណាស់ជាមួយជ័យជម្នះលើកដំបូងក្នុងនាមជាកីឡាករជម្រើសជាតិកម្ពុជា។
Takaki Ose បានបង្ហោះសារនៅលើ Facebook ផ្ទាល់ខ្លួនដូច្នេះថា«ខ្ញុំរីករាយណាស់ដែលបានឈ្នះការប្រកួតជាលើកដំបូងក្នុងនាមជាកីឡាករជម្រើសជាតិ ខ្ញុំស្ទើរតែមិនមានពាក្យនិយាយនោះទេ។ ខ្ញុំបានអបអរជ័យជម្នះនេះជាមួយអ្នកគាំទ្រដ៏អស្ចារ្យរបស់យើង។ យើងនៅតែមានសង្ឃឹមក្នុងការឡើងទៅវគ្គបន្ទាប់ ដូច្នេះយើងត្រូវធ្វើគ្រប់បែបយ៉ាងក្នុងការប្រកួតជាមួយថៃ។»
