លោក Koji Gyutoku គ្រូបង្វឹកក្រុមជម្រើសកម្ពុជា បានបង្ហាញចំណាប់អារម្មណ៍ ក្រោយការប្រកួត ASEAN Mitsubishi Electric Cup™ 2024 ជាមួយនឹងក្រុមជម្រើសជាតិទីម័រ ថា៖ សម្រាប់ការប្រកួតយប់មិញគឺជាប្រកួតតានតឹង ក្រុមជម្រើសជាតិទីម៍រល្អ ពួកគេមានកីឡាករល្បឿនលឿនក្នុងការវាយបក និងលេងការពារ។
លោកបន្តថា ក្រុមយើងមានបញ្ហាក្នុងតង់ទី១ ប៉ុន្តែកីឡាករយើងគាត់យល់ពីអ្វីដែលខ្ញុំបានប្រាប់ និងព្យាយាមកែតម្រូវចំណុចខ្វះខាត ក្នុងតង់ទី២ ហើយកីឡាកររបស់យើងព្យាយាមលេងរហូតដល់ទីបញ្ចប់។ ចំពោះការប្រកួតខាងមុខ អ្វីដែលខ្ញុំបារម្ភគឺការបាត់បង់កម្លាំងរបស់កីឡាករយើង ដោយសារប្រកួតកន្លងមកគឺខ្ញុំមិនសូវដូរកីឡាករ ហើយដាក់កីឡាករដដែលៗ ប្រសិនបើកម្លាំងពួកគេមិនគ្រប់គ្រាន់ ប្រហែលនឹងអាចមានការផ្លាស់ប្ដូរ។
សូមជម្រាបថា កម្ពុជា បានវាយបកយកឈ្នះទីម័រខាងកើត ដោយលទ្ធផល ២-១ ក្នុងការប្រកួតទី៣ពូល A នៃពានរង្វាន់ AFF Mitsubishi Electric Cup ឆ្នាំ២០២៤ នៅពហុកីឡដ្ឋានជាតិអូឡាំពិកកាលយប់មិញ។ លទ្ធផលនេះធ្វើឲ្យកម្ពុជា ឈរលេខ៣ក្នុងពូលនិងរងចាំអ៊ុតការប្រកួតចុងក្រោយជាមួយថៃនៅថ្ងៃទី២០ខាងមុខនេះ៕
