ប្រធានាធិបតីទួរគី លោក Recep Tayyip Erdogan បាននិយាយថា បទឈប់បាញ់នៅតំបន់ហ្គាហ្សាស្រ្ទីប គឺជាលទ្ធផលនៃកិច្ចខិតខំប្រឹងប្រែងដ៏អស្ចារ្យ ហើយថាការរក្សាឱ្យស្ថានភាពដូចបច្ចុប្បន្ន គឺមានសារៈសំខាន់ណាស់។
លោក Erdogan បានលើកឡើងបែបនេះ ក្នុងអំឡុងពេលជួបជាមួយព្រះអង្គម្ចាស់នៃប្រទេសគុយវ៉ែត Emir Mashal al-Ahmad al-Sabah ។
យោងតាមការិយាល័យរបស់លោក Erdogan បានឱ្យដឹង នៅក្នុងសេចក្តីថ្លែងការណ៍ថា លោក សង្កត់ធ្ងន់លើសារៈសំខាន់បំផុតនៃការរក្សាបទឈប់បាញ់នៅតំបន់ហ្គាហ្សា ដែលសម្រេចបានយ៉ាងលំបាក។
ប្រធានាធិបតីតួកគីកំពុងបំពេញទស្សនកិច្ចនៅគុយវ៉ែតជាផ្នែកនៃដំណើរទស្សនកិច្ចរបស់លោកនៅឈូងសមុទ្រពែរ្ស។ ប្រធានបទនៅប្រទេសស៊ីរី ក៏ត្រូវបានលើកឡើងផងដែរក្នុងអំឡុងពេលជួបជាមួយព្រះអង្គម្ចាស់ប្រទេសគុយវ៉ែត។
ការិយាល័យបានកត់សម្គាល់ថា ប្រធានាធិបតី ក៏បានទួរគីប្តេជ្ញាការពារឯកភាពនយោបាយ និងបូរណភាពទឹកដីរបស់ប្រទេសស៊ីរីហើយចង់ឆ្ពោះទៅមុខជាមួយរដ្ឋអារ៉ាប់ជាបងប្អូនក្នុងការកសាងអនាគតដ៏ភ្លឺស្វាងសម្រាប់ប្រជាជនស៊ីរី ផងដែរ៕
ដោយ៖. ពេជ្រ
