ខ្សែប្រយុទ្ធដ៏ល្បីបំផុតម្នាក់ក្នុងពិភពបាល់ទាត់ Ronaldo Nazario បានក្លាយជាបេក្ខភាពឈរឈ្មោះប្រជែងតំណែងប្រធានសហព័ន្ធកីឡាបាល់ទាត់ប្រេស៊ីល(CBF)នៅឆ្នាំ ២០២៥។
អាណត្តិរបស់ប្រធានាបច្ចុប្បន្នលោក Ednaldo Rodrigues នឹងបញ្ចប់នៅខែមីនា ឆ្នាំ ២០២៥ ហើយបន្ទាប់មកនឹងមានការបោះឆ្នោតជ្រើសរើសបេក្ខជនថ្មី។
Ronaldo បានក្លាយជាបេក្ខភាពឈរឈ្មោះដើម្បីប្រជែងតំណែងប្រធាន CBFហើយមានគម្រោងមហិច្ឆតាមួយចំនួនដើម្បីទាក់ទាញសំឡេងឆ្នោតឲ្យលោកផងដែរ។
អតីតខ្សែប្រយុទ្ធក្រុម Real Madrid ត្រូវបានគេនិយាយថាកំពុងព្យាយាមនាំយកលោក Pep Guardiola មកធ្វើជាគ្រូបង្វឹកក្រុមជម្រើសជាតិប្រេស៊ីល ប្រសិនបើលោកអាចឈ្នះការបោះឆ្នោត។
កិច្ចសន្យាបច្ចុប្បន្នរបស់លោក Guardiola ជាមួយ Man City នឹងផុតកំណត់នៅចុងខែមិថុនា ឆ្នាំ ២០២៥ ហើយ Ronaldo មានគោលបំណងនាំយកគ្រូបង្វឹករូបនេះមកក្រុមសាំបាផងដែរ៕
