ថ្លែងទៅកាន់ក្រុមអ្នកសារព័ត៌មាននៅសេតវិមាន ប្រធានាធិបតីអាមេរិក លោក ដូណាល់ ត្រាំ បាននិយាយថា លោក អាចនឹងទៅទស្សនាដល់តំបន់ហ្គាហ្សា ក្នុងដំណើរទស្សនកិច្ចរបស់លោក ទៅកាន់មជ្ឈិមបូព៌ា។
លោក ត្រាំ បានលើកឡើងបែបនេះ នៅពេលសួរថាតើលោក មានគម្រោងទៅទស្សនាតំបន់ហ្គាហ្សា ឬទេ អំឡុងដំណើរទស្សនកិច្ចនេះ។
ទោះជាយ៉ាងណា លោក ឆ្លើយថា លោក មិនទាន់សម្រេចចិត្តច្បាស់លាស់នោះទេ ដោយបន្ថែមថា លោក នឹងទៅប្រទេសអេហ្ស៊ីប ដែលជាកន្លែងសម្រាប់កិច្ចប្រជុំ។
លោក ធ្លាប់បញ្ជាក់ថា លោក នឹងទៅបំពេញទស្សនកិច្ចនៅមជ្ឈិមបូព៌ា នៅថ្ងៃទី ១១ ឬ ១២ ខែតុលា ដើម្បីពិភាក្សាអំពីការដោះស្រាយស្ថានការណ៍ក្នុងតំបន់មជ្ឈិមបូព៌ា៕
ដោយ៖ ពេជ្រ
