អាជ្ញាធរជួយសង្គ្រោះ បានឱ្យដឹង កាលពីថ្ងៃចន្ទថា ចំនួនអ្នកស្លាប់ដោយសារការបាក់រលំសាលាមួយក្នុងប្រទេសឥណ្ឌូនេស៊ី កាលពីសប្តាហ៍មុន កើនឡើងយ៉ាងតិច ៥០នាក់។
ក្រុមអ្នកជួយសង្គ្រោះ បានសម្អាតកម្ទេចកម្ទីស្ទើរតែទាំងអស់ នេះបើតាមអាជ្ញាធរជួយសង្គ្រោះ ខណៈដែលនេះជាសោកដនាកម្មដ៏សាហាវបំផុតរបស់ប្រទេសក្នុងឆ្នាំនេះ។
សាលារៀនអ៊ិស្លាម Al Khoziny នៃទីប្រជុំជន Sidoarjo ក្នុងខេត្ត East Java ប្រទេសឥណ្ឌូណេស៊ី ត្រូវបានបាក់រលំ កាលពីថ្ងៃអង្គារសប្ដាហ៍មុន ដែលរបាយការណ៍ដំបូងបង្អស់សម្លាប់មនុស្សម្នាក់ និងរាប់សិបនាក់រងរបួស។
សេចក្តីថ្លែងការណ៍ចុងក្រោយ គឺក្រុមអ្នកជួយសង្គ្រោះ បានសម្អាតកំទេចកំទីរួចរាល់ ៨០ភាគរយ និងបានរកឃើញសាកសពមនុស្សបន្ថែម។
លោក Budi Irawan អនុប្រធានទីភ្នាក់ងារកាត់បន្ថយគ្រោះមហន្តរាយ បានបញ្ជាក់ថា មនុស្សសរុបចំនួន ៥០ នាក់ស្លាប់ ដោយមើលទៅលើសាកសពរកឃើញ ហើយក្រុមអ្នកជួយសង្គ្រោះត្រូវបានគេរំពឹងថានឹងបញ្ចប់ការស្វែងរក នៅថ្ងៃចន្ទនេះ ខណៈមនុស្ស ១៣ នាក់ នៅតែបាត់ខ្លួន៕
ដោយ៖ ពេជ្រ
