បន្ទាយមានជ័យ៖ស្របពេលនៃរដូវកាលពិធីបុណ្យកាន់បិណ្ឌភ្ជុំបិណ្ឌ ដែលជាបុណ្យប្រពៃណីជាតិខ្មែរយើង តែងតែធ្វើឡើងជារៀងរាល់ឆ្នាំ ចាប់ពីថ្ងៃ១រោច ដល់ថ្ងៃ១៥រោច ខែភទ្របទ ដោយឡែកសម្រាប់វេណទី៣ រដ្ឋបាលខេត្តបន្ទាយមានជ័យ ដែលដឹកនាំដោយឯកឧត្តម អ៊ុ រាត្រី អភិបាលខេត្ត និងលោកជំទាវ និងមានការចូលរួម ពីសំណាក់ឯកឧត្តម ប្លែក វ៉ារី ប្រធានក្រុមប្រឹក្សាខេត្ត និងឯកឧត្តម លោកជំទាវ អស់លោក លោកស្រី បានអញ្ជើញចូលរួមកាន់វេនទីបី នៃវត្តគិរីជុំ ចំការខ្នុរ ស្ថិតនៅ ក្នុងសង្កាត់អូរអំបិលក្រុងសិរីសោភ័ណ។
គោលបំណង ដែលយើង បានប្រារព្ធធ្វើបុណ្យកាន់បិណ្ឌ ក្នុងឱកាសនេះ ដើម្បីបង្សុកូល ឧទ្ទិសមហាកុសលថ្វាយប្រគេននោះជូនព្រះវិញ្ញាណក្ខន្ធ វិញ្ញាណក្ខន្ធ មាតាបិតា បុព្វការីជនគ្រប់ជំនាន់ ជីដូនជីតា មាតិកាទាំងប្រាំពីរសន្ដាន ចំពោះវិញ្ញាណក្ខន្ធវីរៈកងទ័ព ជនរួមជាតិ ដែលបានពលីជីវិត ក្នុងបុព្វហេតុជាតិ មាតុភូមិ ពីពួកចោរសៀមឈ្លានពានទឹកដីកម្ពុជា យេីង និងធ្វេីសង្គហទាន ដោយការចាត់ចែងគ្រឿងឧបភោគបរិភោគ តាមសមគួរ បេីមានការលេីសលប់ អាចជូនដល់ជនភៀសសឹក ចាស់ព្រឹទ្ធាចារ្យ ជនពិការកុមារកំព្រាគ្មានទីពឹង និងជនងាយរងគ្រោះជាដើម ។
ឯកឧត្តម អ៊ុរាត្រីបានមានប្រសាសន៍លើកឡើងថា នៅក្នុងកាលៈទេសៈ ពីពួកសៀមឈ្លានពានទឹកដីរំលោភបទ ឈប់បាញ់ យើងទាំងអស់គ្នា ទាំងព្រះសង្ឃទាំងគ្រហស្ថ ត្រូវបំផុសស្មារតីលើកកម្ពស់សាមគ្គីធម៌ សង្គហធម៍ ស្នេហាជាតិ ប្រកបដោយបញ្ញាញាណ ស្របតាមពុទ្ធឱវាទ។
ព្រះសង្ឃនិងពុទ្ធបរិស័ទគ្រប់រូប ជុំវិញតួនាទីភារកិច្ចរៀងរៀងខ្លួនឲ្យបានល្អលើកកម្ពស់ ការប្រតិបត្តិ ធម៌វិន័យចម្រើន ចម្រើនគុណធម៌ សំដៅលើកកម្ពស់សុខភាពផ្លូវកាយទាំងផ្លូវចិត្តពង្រឹងធនធានសង្គម ចូលរួមជាមួយរាជរដ្ឋាភិបាលកម្ពុជាក្នុងការដោះស្រាយ គ្រប់ការប្រឈមសម្រាប់ថែរក្សាសន្តិភាព បូរណភាពទឹកដ រួមគ្នាអភិវឌ្ឍប្រទេសជាតិឲ្យបានរីកចម្រើន ជា និរន្តរន៌។
គួរបញ្ជាក់ផងដែរថា ក្នុងវេនទីបីរបស់រដ្ឋបាលខេត្តក្នុងឱកាសនេះមាន ទេយ្យទាន ប្រគេនព្រះសង្ឃរួមមានអង្ករ ១០០គីឡូក្រាម មី៤កេស ត្រីខ៤យួរ ទឹកស៊ីអ៊ីវ៤យួរ ទឹកត្រី៤យួរ ទឹកក្រូច៤កេស ទឹកបរិសុទ្ធ៤កេស ថវិកាចំនួន ៤ ៤០០០០០រៀល មន្ទីរអង្គភាពជុំវិញខេត្ត ក្រុងរួមមានបច្ច័យចង្ហាន់ចំនួន ១០០ដុល្លារ បច្ច័យកសាងចំនួន ៥០០ដុល្លារ និង៤ ៤០០ ០០០រៀលហើយនឹងបច្ច័យបួនដល់ព្រះសង្ឃ ៣ ១០០ ០០០រៀល សរុបថវិកាទាំងអស់ចំនួនមួយ ១៥០០ដុល្លារសហរដ្ឋអាមេរិក និង ៧ ១០០ ០០០រៀល៕
