ភ្នំពេញ៖ លោកឧត្តមសេនីយ៍ទោ ឃន តារាសម្បត្តិ អគ្គលេខាធិការរង នៃអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានអនុគណៈកម្មការប្រចាំបញ្ជា២៤ម៉ោង បានបញ្ជាក់ឲ្យដឹងនៅថ្ងៃទី៣ ខែកញ្ញានេះថា នៅក្នុងខែសីហា តាមរយៈ App NoDrug សមត្ថកិច្ចជំនាញនៃអាជ្ញាធរជាតិប្រយុទ្ធប្រឆាំងគ្រឿងញៀន បានទទួលបណ្ដឹងពីពលរដ្ឋចំនួន២៤៥ករណី ក្នុងនោះបានដោះស្រាយ និងឈានដល់ការបង្ក្រាបចំនួន ១០៣ ករណី៕
