មន្ត្រីជាន់ខ្ពស់នៃក្រសួងយុត្តិធម៌កូរ៉េខាងត្បូងបានប្រាប់កិច្ចប្រជុំគណៈកម្មាធិការសភានៅថ្ងៃពុធនេះថា អតីតរដ្ឋមន្ត្រីការពារជាតិលោក Kim Yong-hyun បានព្យាយាមធ្វើអត្តឃាតនៅឯមន្ទីរឃុំឃាំង។ ប៉ុន្តែស្ថានភាពរបស់លោក Kim ពេលនេះមិនបានគំរាមកំហែងដល់អាយុជីវិតនោះឡើយ។
លោក Kim ត្រូវបានគេនិយាយថា បានណែនាំប្រធានាធិបតី Yoon Suk-yeol ឱ្យប្រកាសច្បាប់អាជ្ញាសឹកកាលពីសប្តាហ៍មុន ហើយលោកក៏ ត្រូវបានគេរាយការណ៍ថាត្រូវបានចាប់ខ្លួនដោយព្រះរាជអាជ្ញាកាលពីយប់ថ្ងៃអង្គារពីបទសង្ស័យរៀបចំការបះបោរនិងការចោទប្រកាន់ផ្សេងទៀត៕
