ប្រធានាធិបតីអាមេរិក លោក ដូណាល់ ត្រាំ បានព្រមានក្នុងអំឡុងសន្និសីទសារព័ត៌មាននៅសេតវិមាន ពីផលវិបាកសម្រាប់អ៊ីរ៉ង់ បើនៅតែបន្តកម្មវិធីនុយក្លេអ៊ែរ។
លោក ត្រាំ បាននិយាយថា យើងបានបញ្ឈប់សង្រ្គាមនៅមជ្ឈិមបូព៌ា និងបញ្ឈប់អ៊ីរ៉ង់ពីការមានអាវុធនុយក្លេអ៊ែរ ដោយសង្កត់ធ្ងន់ថា វាជារឿងដ៏គ្រោះថ្នាក់សម្រាប់ពួកគេក្នុងការបន្តកម្មវិធីនេះម្ដងទៀតនោះ។
មេដឹកនាំអាមេរិករូបនេះ បានបញ្ជាក់ថា បើពួកគេចាប់ផ្តើមទៀតនោះ យើងនឹងផ្ដល់ផលពិបាកដល់ពួកគេម្ដងទៀតដូចគ្នា ហលយខ្លាំងក្លាជាងមុន។
អាមេរិក ធ្លាប់វាយប្រហារលើទីតាំងនុយក្លេអ៊ែរអ៊ីរ៉ង់ចំនួន ៣ ដែលអះអាងថាមានហានិភ័យ អំឡុងមានភាពតានតឹងជាមួយអ៊ីស្រាអែល ៕
ដោយ៖ ពេជ្រ
