នៅវេលាម៉ោង ៦:០០ នាទីល្ងាចនេះ (ម៉ោងនៅកម្ពុជា) ក្រុមជម្រើសជាតិកម្ពុជា នឹងត្រូវជួបតតាំងជាមួយក្រុមម្ចាស់ផ្ទះសិង្ហបុរី ក្នុងជំនួបទី២ពូល A នៃពានរង្វាន់ ASEAN Mitsubishi Electric Cup™ 2024 នៅកីឡដ្ឋាន National Stadium, Singapore ប្រទេសសិង្ហបុរី។
យ៉ាងណាមិញមុនការប្រកួតលោក Koji Gyotoku គ្រូបង្វឹកក្រុមជម្រើសកម្ពុជា បាននិយាយថា ពួកយើងរីរាយណាស់ដែលបានមកដល់ទីនេះ។ សម្រាប់ក្រុមជម្រើសជាតិសិង្ហបុរីជាក្រុមមួយដែលខ្លាំង ពួកគេមានកម្រិតប្រហាក់ប្រហែលក្រុមជម្រើសជាតិម៉ាឡេស៊ី ដូច្នេះពួកយើងគិតថា ការប្រកួតជាមួយសិង្ហបុរី អាចជាការប្រកួតដ៏ពិបាកផងដែលសម្រាប់យើង។ ប៉ុន្តែខ្ញុំជឿជាក់លើកីឡាកររបស់យើង ហើយពួកយើងនឹងធ្វើអោយបានល្អនៅល្ងាចនេះ។
សូមជម្រាបថា ការប្រកួតបន្ទាប់របស់ក្រុមគោព្រៃកម្ពុជា នឹងត្រូវប៉ះក្រុមទីម័រខាងកើត នៅថ្ងៃទី១៧ ខែធ្នូ ឆ្នាំ២០២៤ នៅពហុកីឡដ្ឋានជាតិអូឡាំពិក ទីក្រុងភ្នំពេញ និងចុងក្រោយនឹងធ្វើដំណើរទៅកាន់ទឹកដីថៃ នាថ្ងៃទី២០ ខែធ្នូ ឆ្នាំ២០២៤ ៕
