ចក្រភពអង់គ្លេស និងប្រទេសចំនួន ២៧ ផ្សេងទៀត បានអំពាវនាវឱ្យបញ្ចប់ជាបន្ទាន់ចំពោះសង្គ្រាមនៅតំបន់ហ្គាហ្សា ដោយពណ៌នាថា ការឈឺចាប់របស់ជនស៊ីវិល កាន់តែខ្លាំងក្លា។
សេចក្តីថ្លែងការណ៍រួមមួយ បានលើកឡើងថា អ៊ីស្រាអែល កំពុងកសាងរូបភាពដ៏អាក្រក់ និងមានគ្រោះថ្នាក់ ខណៈការថ្កោលទោសគឺសំដៅដល់ការសម្លាប់ជនស៊ីវិល នៅតាមទីតាំងផ្ដល់ជំនួយ។
យោងតាមក្រសួងសុខាភិបាលដែលគ្រប់គ្រងដោយក្រុមហាម៉ាសរបស់ហ្គាហ្សា បានបញ្ជាក់ថា តួលេខចុងក្រោយនៃអ្នកស្លាប់ អំឡុងពេលរង់ចាំយកជំនួយមានជាង ១០០ នាក់ ហើយថា ១៩ នាក់ផ្សេងទៀតស្លាប់ ដោយសារកង្វះអាហារូបត្ថម្ភ។
ទោះជាយ៉ាងណា ក្រសួងការបរទេសអ៊ីស្រាអែល បានច្រានចោលសេចក្តីថ្លែងការណ៍ទាំងនោះ ដោយថា ខ្លួនគ្មានចេតនាសំដៅជនស៊ីវិល ឬក្រៅពីក្រុមហាម៉ាសនោះទេ៕
ដោយ៖ ពេជ្រ
