មន្ត្រីប៉ូលិសអ៊ីរ៉ង់ បានចាប់ឃុំខ្លួនមនុស្សជាង ៧០០ នាក់ ដែលសង្ស័យជាប់ពាក់ព័ន្ធសហការជាមួយសេវាកម្មសន្តិសុខអ៊ីស្រាអែល ចាប់តាំងពីភាពតានតឹងកើនឡើង កាលពីថ្ងៃទី ១៣ ខែមិថុនា។
យោងតាមទីភ្នាក់ងារសារព័ត៌មាន Fars បានរាយការណ៍ថា ជនសង្ស័យភាគច្រើននៅខេត្ត Kermanshah, Isfahan, Khuzestan, Fars និង Lorestan ។
របាយការណ៍ បន្ថែមថា ជនសង្ស័យត្រូវបានចោទប្រកាន់ពីបទប្រើប្រាស់យន្តហោះគ្មានមនុស្សបើកខ្នាតតូច ដើម្បីផលប្រយោជន៍អ៊ីស្រាអែល បង្កើតគ្រាប់បែក និងថតទីតាំងយោធាអ៊ីរ៉ង់ ដោយចេតនាផ្ទេរព័ត៌មានបន្ថែមទៀតទៅកាន់សេវាកម្មពិសេសរបស់ក្រុងយេរ៉ូសាឡឹម។
ចាប់តាំងពីថ្ងៃទី ១៣ ខែមិថុនាមក មន្ត្រីអនុវត្តច្បាប់នៅទីក្រុងតេហេរ៉ង់ រឹបអូសបានយន្តហោះគ្មានមនុស្សបើកតូចៗមិនទាន់ប្រើជាង ១០,០០០ គ្រឿង ដែលសង្ស័យថាត្រៀមបម្រើដល់សេវាអ៊ីស្រាអែល៕
ដោយ៖ ពេជ្រ
