អង្គភាពឆ្មាំបដិវត្តន៍ឥស្លាម រាយការណ៍ថា អ៊ីរ៉ង់ បានផ្តួចផ្តើមការវាយប្រហារមីស៊ីលជុំថ្មីមួយផ្សេងទៀត ទៅលើអ៊ីស្រាអែល។
ប៉ុន្មាននាទីមុននេះ កងកម្លាំងឆ្មាំបដិវត្តន៍អ៊ីស្លាម កងកម្លាំងអាកាសយានិក បានបើកការវាយប្រហារដោយមីស៊ីលប្រភេទថ្មីលើអ៊ីស្រាអែល។ ដោយលើកនេះ គឺជាការវាយប្រហារទ្រង់ទ្រាយកាន់តែធំ និងទំហំបំផ្លិចបំផ្លាញជាងលើកមុនទ្វេដង។
យោងតាមសេចក្តីថ្លែងការណ៍ បានឲ្យដឹងថា ការវាយប្រហារដ៏ត្រឹមត្រូវ កំណត់ និងបំផ្លិចបំផ្លាញបន្ថែមទៀតលើគោលដៅរសើប និងសំខាន់ៗលើអ៊ីស្រាអែល រហូតដល់វាត្រូវបានបំផ្លាញទាំងស្រុង។
កងឆ្មាំបដិវត្តន៍ឥស្លាម បានបន្ថែមថា អ៊ីស្រាអែល ទោះបីជាមានជំនួយយ៉ាងទូលំទូលាយពីសហរដ្ឋអាមេរិក និងប្រទេសលោកខាងលិច ក៏ដូចជាមានប្រព័ន្ធការពារដែលមានបច្ចេកវិទ្យាទំនើប និងទំនើបបំផុតក៏ដោយ ក៏មិនអាចទប់ទល់នឹងមីស៊ីលអ៊ីរ៉ង់ ប្រភេទនេះដែរ៕
ដោយ៖ ពេជ្រ
