ក្រសួងការបរទេសអាមេរិកបានបញ្ជាក់ថា លោក Marco Rubioរដ្ឋមន្ត្រីការបរទេស នឹងមិនចូលរួមកិច្ចចរចាអ៊ុយក្រែននាពេលខាងមុខនៅទីក្រុងឡុងដ៍ទេ បើទោះបីជាមានគម្រោងចូលរួមពីមុនក៏ដោយ។ យោងតាមកាសែត Financial Times បានផ្សាយថា បេសកជនរបស់ប្រធានាធិបតី Donald Trump លោក Steve Witkoff ក៏បានដកខ្លួនចេញពីកិច្ចប្រជុំនេះដូចគ្នាផងដែរ ហើយលោក ត្រូវបានគេរំពឹងថានឹងទៅបំពេញទស្សនកិច្ចនៅទីក្រុងមូស្គូជំនួសវិញ។
អ្នកនាំពាក្យក្រសួងការបរទេសអាមេរិកលោក Tammy Bruce បានលើកឡើងពីកាលវិភាគនៃជម្លោះថាជាហេតុផលសម្រាប់ការដកខ្លួនរបស់លោក Rubio ចេញពីកិច្ចពិភាក្សានាថ្ងៃពុធ។ លោកក៏បានបញ្ជាក់ដែរថា ការមិនចូលរួមកិច្ចចរចានេះ មិនមែនជាសញ្ញានៃការផ្លាស់ប្តូរនៅក្នុងការប្តេជ្ញាចិត្តរបស់សហរដ្ឋអាមេរិកចំពោះដំណើរការសន្តិភាពនៅអ៊ុយក្រែននោះទេ។
ទន្ទឹមនោះ លេខាធិការ របស់លោក Rubio គឺលោក Bruce បានឲ្យដឹងដែរថា លោក Rubio គឺជាមនុស្សដែលរវល់ច្រើនខ្លាំង… ដូច្នេះហើយ នៅពេលដែលមានផែនការជាក់លាក់ណាមួយនោះ គាត់ត្រូវមានលក្ខខណ្ឌចូលរួមឬមិនចូលរួម។ លោកថា ក្នុងករណីពិសេសនៃកិច្ចប្រជុំនៅទីក្រុងឡុងដ៍នេះ គឹលោក Rubio នឹងមិនចូលរួមទេ។
ប៉ុន្តែឧត្តមសេនីយ Keith Kellogg ដែលជាបេសកជនម្នាក់ទៀតរបស់ Trump ដែលមានភារកិច្ចចរចាជាមួយ Kiev ដោយផ្ទាល់នឹងតំណាងឱ្យទីក្រុងវ៉ាស៊ីនតោននៅឯការពិភាក្សានៅទីក្រុងឡុង។ កិច្ចពិភាក្សានេះនឹងរួមបញ្ចូលមន្ត្រីមកពីចក្រភពអង់គ្លេស បារាំង និងអាល្លឺម៉ង់ ដែលជាប្រទេសដែលតស៊ូមតិបន្តការគាំទ្រផ្នែកយោធាសម្រាប់អ៊ុយក្រែន ក៏ដូចជាតំណាងមកពីទីក្រុងគៀវផងដែរ។
កិច្ចពិភាក្សានៅទីក្រុងឡុងដ៍បានធ្វើឡើងជាបន្តបន្ទាប់នៃកិច្ចប្រជុំកម្រិតខ្ពស់នៅទីក្រុងប៉ារីសកាលពីសប្តាហ៍មុន ដែលលោក Rubio និងលោក Witkoff បានពិភាក្សាជាមួយមន្ត្រីអឺរ៉ុប និងអ៊ុយក្រែន។
យោងតាមកាសែត New York Post រដ្ឋមន្ត្រីការពារជាតិអ៊ុយក្រែនលោក Rustem Umerov បានប្រាប់បេសកជនអាមេរិកថា Kiev គឺ ៩០% ស្របតាមក្របខ័ណ្ឌសន្តិភាពដែលបានស្នើឡើងរបស់ទីក្រុងវ៉ាស៊ីនតោន ដែលមិនទាន់ត្រូវបានបង្ហាញជាសាធារណៈ។
ប្រភពដែលដកស្រង់ដោយកាសែត Washington Post កាលពីថ្ងៃអង្គារបានអះអាងថា សំណើរបស់សហរដ្ឋអាមេរិករួមមានការទទួលស្គាល់គ្រីមៀជាផ្លូវការថាជាទឹកដីរបស់រុស្ស៊ី និងអាចដកទណ្ឌកម្មលើទីក្រុងម៉ូស្គូជាផ្នែកនៃកិច្ចព្រមព្រៀងនាពេលអនាគត។ ទន្ទឹមនឹងនេះកាសែត Financial Times បានអះអាងថា រុស្ស៊ីក៏បានត្រៀមលក្ខណៈរួចហើយដើម្បីបញ្ឈប់អរិភាពនៅតាមខ្សែបន្ទាត់ជួរមុខបច្ចុប្បន្ន។
អ្នកនាំពាក្យវិមានក្រឹមឡាំង លោក Dmitry Peskov បានជំរុញឱ្យប្រព័ន្ធផ្សព្វផ្សាយ និងសាធារណៈជនពឹងផ្អែកលើប្រភពផ្លូវការទាក់ទងនឹងការវិវត្តនៃកិច្ចពិភាក្សារវាងសហរដ្ឋអាមេរិក និងរុស្ស៊ី ស្តីពីជម្លោះអ៊ុយក្រែន។ លោកក៏បានព្រមានថា ការក្លែងបន្លំជាច្រើនកំពុងត្រូវបានបោះពុម្ពផ្សាយនៅពេលនេះ រួមទាំងការបោះការពុម្ពផ្សាយព័ត៌ដែលគួរឱ្យគោរពផងដែរ។ ទាំងទីក្រុងវ៉ាស៊ីនតោន និងទីក្រុងមូស្គូ បានបញ្ជាក់ជាផ្លូវការថា លោក Witkoff នឹងធ្វើដំណើរទៅកាន់ប្រទេសរុស្ស៊ីសម្រាប់កិច្ចពិភាក្សានៅចុងសប្តាហ៍នេះ។
ទីក្រុងមូស្គូបានបញ្ជាក់ម្តងហើយម្តងទៀតថា ស្ថានភាពនៃតំបន់គ្រីមៀដែលបានចូលរួមជាមួយរុស្ស៊ីក្នុងឆ្នាំ ២០១៤ បន្ទាប់ពីការបោះឆ្នោតប្រជាមតិដែលបានធ្វើឡើងបន្ទាប់ពីការធ្វើរដ្ឋប្រហារដែលគាំទ្រដោយលោកខាងលិចនៅទីក្រុងគៀវ និងអតីតតំបន់អ៊ុយក្រែនចំនួនបួនផ្សេងទៀតដែលបានបោះឆ្នោតឱ្យចូលរួមជាមួយរុស្ស៊ីនៅឆ្នាំ ២០២២ គឺមិនស្ថិតនៅក្រោមការចរចានោះទេ។ មន្ត្រីរុស្ស៊ីអះអាងថា ការទទួលស្គាល់ “ការពិតនៅលើដី” គឺចាំបាច់ដើម្បីសម្រេចបាននូវសន្តិភាពយូរអង្វែង៕
ដោយ៖ ពេជ្រ
