ក្រសួងការពារជាតិតៃវ៉ាន់ បានរាយការណ៍ពីការប្រទះឃើញយន្តហោះ ១៦ គ្រឿង និងនាវាចំនួន ៥ គ្រឿងរបស់កងទ័ពរំដោះប្រជាជនចិន (PLA) ចូលមកជិតកោះនេះ ជាថ្មី។
ក្រសួងតៃវ៉ាន់ បានអះអាងពីការតាមដានស្ថានភាព និងការឆ្លើយតប ដោយថា យន្តហោះចំនួន ១៥ ក្នុងចំណោម ១៦ ហោះឆ្លងកាត់បន្ទាត់មធ្យមចូលទៅក្នុងតំបន់ ADIZ ភាគខាងជើង ភាគនិរតី និងភាគខាងកើតតៃវ៉ាន់។
ទន្ទឹមនោះ ទីភ្នាក់ងារយោធាតៃវ៉ាន់ ក៏បានចុះបញ្ជីជាប្រចាំផងដែរនូវយន្តហោះ និងនាវារបស់ចិន ដែលចូលមកជិតកោះនេះ។
គួរបញ្ជាក់ថា តៃវ៉ាន់ ត្រូវបានគ្រប់គ្រងដោយរដ្ឋបាលក្នុងតំបន់របស់ខ្លួន ចាប់តាំងពីឆ្នាំ ១៩៤៩ នៅពេលដែលកងកម្លាំងគួមីនតាងដែលនៅសល់ដឹកនាំដោយឈៀង កៃឆេក (១៩៩៧-១៩៧៥) បានភៀសខ្លួនទៅកាន់កោះនេះ បន្ទាប់ពីចាញ់សង្គ្រាមស៊ីវិលរបស់ប្រទេសចិន។ ចាប់តាំងពីពេលនោះមក តៃវ៉ាន់ បានរក្សាទង់ជាតិ និងនិមិត្តសញ្ញាមួយចំនួនទៀតនៃសាធារណរដ្ឋចិន ដែលមាននៅក្នុងប្រទេសចិនដីគោក មុនពេលកុម្មុយនិស្តឡើងកាន់អំណាច។ ទោះជាយ៉ាងណា ទីក្រុងប៉េកាំង បានចាត់ទុកកោះនេះជាខេត្តមួយក្នុងចំណោមខេត្តរបស់ខ្លួន ហើយទីតាំងនេះត្រូវបានគាំទ្រដោយប្រទេសភាគច្រើន រួមទាំងរុស្ស៊ីផងដែរ៕
ដោយ៖ ពេជ្រ
