គ្រូបង្វឹកក្រុម Manchester United លោក Ruben Amorim បាននិយាយថា លោកបានប្រាប់ Bruno Fernandes ថាលោកនឹងមិនអនុញ្ញាតឱ្យប្រធានក្រុមរូបនេះចាកចេញទៅណានោះទេនៅរដូវក្តៅនេះ។
ប្រធានក្រុម Fernandes បានចុះហត្ថលេខាបន្តកុងត្រាដល់ឆ្នាំ ២០២៧ កាលពីខែសីហា បានក្លាយជាតារាឆ្នើមរបស់ Man Utd ក្នុងរដូវកាលនេះ។ កាលពីចុងសប្តាហ៍មានរបាយការណ៍បានលេចឡើងទាក់ទងនឹងកីឡាករវ័យ ៣០ ឆ្នាំរូបនេះជាមួយនឹងការផ្ទេរទៅ Real Madrid។
ជុំវិញបញ្ហានេះលោក Amorim ត្រូវបានសួរអំពីពាក្យចចាមអារ៉ាមនៅក្នុងសន្និសីទសារព័ត៌មានរបស់លោកមុនពេលការធ្វើដំណើទៅកាន់ Nottingham Forest នាយប់នេះនៅក្នុងក្របខណ្ឌ Premier ។ នៅពេលសួរថាតើលោកអាចប្រាកដបានដោយរបៀបណាថា Bruno មិនចាកចេញ អតីតគ្រូបង្វឹក Sporting បានថា ” Bruno មិនទៅណាទេ ព្រោះខ្ញុំបាននិយាយគាត់រួចហើយ”៕
