អនុប្រធានាធិបតីសហរដ្ឋអាមេរិកលោក J.D. Vance បានលើកទ្បើងថា កិច្ចព្រមព្រៀងរ៉ែកម្រដ៏មានសក្តានុពលរវាងអាមេរិក-អ៊ុយក្រែនវាប្រសើរជាងការដាក់ពង្រាយកងទ័ពរបស់ប្រទេសមួយចំនួនសម្រាប់រក្សាស្ថេរភាព និងសន្តិសុខនៅអ៊ុយក្រែន។ ការអត្ថាធិប្បាយបែបនោះបានបង្កកំហឹងយ៉ាងខ្លាំងនៅក្នុងចក្រភពអង់គ្លេស និងបារាំងដែលលើកគម្រោងដាក់ពង្រាយកងទ័ពប្រមាណ២០០០០នាក់នៅអ៊ុយក្រែនបន្ទាប់កិច្ចព្រមព្រៀងសន្តិភាព។
នៅក្នុងបទសម្ភាសន៍ជាមួយ Fox News កាលពីថ្ងៃអង្គារ លោក Vance បាននិយាយថា កិច្ចព្រមព្រៀងរ៉ែដ៏មានសក្តានុពលជាមួយសហរដ្ឋអាមេរិកនឹងផ្តល់ឱ្យអ៊ុយក្រែននូវ ការធានាសន្តិសុខប្រសើរជាងកងទ័ព ២០,០០០ នាក់ដែលមកពីប្រទេសចៃដន្យមួយចំនួនដែលមិនបានធ្វើសង្គ្រាមក្នុងរយៈពេល ៣០ ឬ ៤០ ឆ្នាំទៅទៀត ។
យ៉ាងណាក៏ដោយ លោក Vance មិនបានបញ្ជាក់ពីប្រទេស ឬក៏ប្រទេសណាដែលលោកចង់និយាយសំដៅនោះទេ ប៉ុន្តែរហូតមកដល់ពេលនេះ មានតែទីក្រុងឡុងដ៍ និងទីក្រុងប៉ារីសប៉ុណ្ណោះ ដែលបាននិយាយជាសាធារណៈថា ពួកគេសុខចិត្តដាក់កងទ័ពនៅលើដីអ៊ុយក្រែនជាផ្នែកមួយនៃកិច្ចព្រមព្រៀងសន្តិភាព។
អ្នកនយោបាយអង់គ្លេសជាច្រើននាក់បានបកស្រាយការលើកទ្បើងរបស់លោក Vance ថាជាការនិយាយបន្ទាបឥទ្ធិពលរបស់ចក្រភពអង់គ្លេស និងបារាំង។ អនុប្រធានាធិបតីសហរដ្ឋអាមេរិកត្រូវបានចោទប្រកាន់ផងដែរពីបទ មិនគោរព និងឲ្យតម្លៃ យោធាអង់គ្លេស និងបារាំង។ ទន្ទឹមនោះសូម្បីតែមេដឹកនាំកំណែទម្រង់របស់ចក្រភពអង់គ្លេសលោក Nigel Farage ដែលជាសម្ព័ន្ធមិត្តរបស់លោក Trump ក៏បានលើកទ្បើងថា ការលើកទ្បើងរបស់លោក Vance គឺ ខុសហើយហើយថាចក្រភពអង់គ្លេស ឈរជើងជាមួយអាមេរិកអស់រយៈពេល ២០ឆ្នាំមកហើយ នៅក្នុងប្រទេសអាហ្វហ្គានីស្ថាន។
លោក James Cartlidge រដ្ឋលេខាធិការការពារជាតិ ក៏បានស្តីបន្ទោសលោក Vance ដែរថា មិនអើពើនឹងសេវាកម្ម និងការលះបង់ របស់កងទ័ពមកពីចក្រភពអង់គ្លេស និងបារាំង ដែលបានប្រយុទ្ធនៅអាហ្វហ្គានីស្ថាន។
ចំណែកអតីតរដ្ឋមន្ត្រីអតីតយុទ្ធជនលោក Johnny Mercer ក៏បានហៅលោក Vance ថាជា តួត្លុកដែលត្រូវពិនិត្យមើលឯកសិទ្ធិរបស់គាត់គាត់ទ្បើងវិញ។
ប៉ុន្តែលោក Vance បានវាយបកវិញផងដែរ ដោយនិយាយនៅក្នុងការបង្ហោះនៅលើ X ថាគាត់មិនបាននិយាយអំពីចក្រភពអង់គ្លេសឬបារាំងនោះទេ ។ លោកបានបន្ថែមថា អ្នកទាំងពីរបានប្រយុទ្ធយ៉ាងក្លាហានជាមួយសហរដ្ឋអាមេរិកក្នុងរយៈពេល ២០ ឆ្នាំចុងក្រោយនេះ និងរយៈពេលយូរលើសពីនេះទៀត។ ប៉ុន្តែលោកលោកបាននិយាយដោយផ្ទាល់ មានប្រទេសជាច្រើនដែលស្ម័គ្រចិត្ត (ជាឯកជន ឬជាសាធារណៈ) គាំទ្រ ដែលមិនមានបទពិសោធន៍ក្នុងសមរភូមិ ឬឧបករណ៍យោធា ដើម្បីធ្វើអ្វីដែលមានអត្ថន័យ។
ការអត្ថាធិប្បាយរបស់អនុប្រធានាធិបតីអាមេរិកបានធ្វើឡើងនៅពេលដែលលោកប្រធានាធិបតី Donald Trump បានបញ្ជាឱ្យផ្អាករាល់ជំនួយយោធារបស់សហរដ្ឋអាមេរិកដល់ប្រទេសអ៊ុយក្រែន បន្ទាប់ពីមានជម្លោះពាក្យសំដីរវាង Trump និង Vladimir Zelensky នៅក្នុងការិយាល័យ Oval កាលពីសប្តាហ៍មុន។
លោក Zelensky ត្រូវបានចោទប្រកាន់ពីបទ «មិនគោរព» អាមេរិក ដោយលោក Trump ទទូចថាមេដឹកនាំអ៊ុយក្រែនមិនចង់បានសន្តិភាពទេ។ កិច្ចព្រមព្រៀងរ៉ែដែលបានស្នើឡើងរវាងសហរដ្ឋអាមេរិក និងអ៊ុយក្រែនត្រូវបានទុកចោលពុំទទួលលទ្ធផល។ អ្នកគាំទ្ររបស់ក្រុងគៀវបានរៀបចំកិច្ចប្រជុំកំពូលជាបន្ទាន់មួយ បន្ទាប់ពីដំណើរទស្សនកិច្ចរបស់ Zelensky បរាជ័យរបស់ទីក្រុងវ៉ាស៊ីនតោន ហើយបានបង្កើតផែនការជំនួសដើម្បីបញ្ឈប់ការប្រយុទ្ធគ្នា។ កិច្ចប្រជុំនោះមានការស្នើឡើងដោយទីក្រុងប៉ារីស និងទីក្រុងឡុងដ៍ អំពីផែនការដាក់ពង្រាយកងទ័ពនៅអ៊ុយក្រែនដើម្បីរក្សាសន្តិសុខដែលគ្របដណ្តប់លើហេដ្ឋារចនាសម្ព័ន្ធផ្លូវអាកាស សមុទ្រ និងថាមពល។ កងទ័ពទាំងនោះជាកងរក្សាសន្តិភាពអឺរ៉ុបខាងលិច ដែលដឹកនាំដោយប្រទេសបារាំង និងចក្រភពអង់គ្លេស។
រុស្ស៊ីបានច្រានចោលបទឈប់បាញ់បណ្ដោះអាសន្ន ដោយទទូចឲ្យមានកិច្ចព្រមព្រៀងសន្តិភាពដែលមានភាពស្របច្បាប់ជាអចិន្ត្រៃយ៍។ រដ្ឋមន្ត្រីការបរទេសរុស្ស៊ីលោក Sergey Lavrov បាននិយាយថា វត្តមានរបស់កងរក្សាសន្តិភាពអឺរ៉ុបខាងលិចនឹងធ្វើឱ្យជម្លោះកាន់តែកើនឡើង។ ទីក្រុងមូស្គូបានព្រមានថា កងទ័ពបរទេសណាក៏ដោយនៅក្នុងអ៊ុយក្រែនដោយគ្មានអាណត្តិរបស់អង្គការសហប្រជាជាតិ នឹងត្រូវបានចាត់ទុកថាជាគោលដៅស្របច្បាប់៕
ដោយ៖ ពេជ្រ
