ក្លឹបយក្សអេស្ប៉ាញបាននិយាយកាលពីថ្ងៃអាទិត្យថាកីឡាករ Lucas Vazquez របស់ក្លឹប Real Madrid នឹងខកខានការប្រកួតជើងទី ១ នៃការប្រកួតវគ្គជម្រុះនៃក្របខ័ណ្ឌ Champions League របស់ពួកគេជាមួយនឹងក្រុម Manchester City នៅយប់នេះដោយសារតែរបួសសរសៃពួរ។
ខ្សែការពារស្លាបស្តាំវ័យ ៣៣ ឆ្នាំរូបនេះបានរងរបួសក្នុងអំឡុង Real Madrid លេងក្នុងលទ្ធផលស្មើ ១-១ ជាមួយគូប្រជែង Atletico Madrid នៅ LaLiga កាលពីថ្ងៃសៅរ៍ ប៉ុន្តែការធ្វើតេស្តជាបន្តបន្ទាប់បានរកឃើញថាមានរបួសនៅជើងឆ្វេង។
Real បាននិយាយនៅក្នុងសេចក្តីថ្លែងការណ៍មួយថា “បន្ទាប់ពីការធ្វើតេស្តលើ Lucas Vazquez នៅថ្ងៃនេះដោយគ្រូពេទ្យ Real Madrid បានបង្ហាញថា កីឡាកររូបនេះរបួសសាច់ដុំនៅសរសៃពួរខាងឆ្វេង” ។ ម្ចាស់ជើងឯក Champions League បានបន្ថែមថា “រូបគេនឹងមិនធ្វើដំណើរទៅទីក្រុង Manchester នោះទេ” ។
ក្រុមរបស់លោក Carlo Ancelotti ក៏មិនមានកីឡាករ Eder Militao, Dani Carvajal, David Alaba, និង Antonio Ruediger នោះទេ ដោយសាររបួស ដូច្នេះក្លឹបយក្សអេស្ប៉ាញមួយនេះ នៅសល់តែ Raul Asensio ជាខ្សែការពារកណ្តាល រួមជាមួយនឹង Fran Garcia និងកីឡាករ Ferland Mendy ៕
