សមាជិកសភាប្រជាធិបតេយ្យអាមេរិក លោក អាល់ ហ្គ្រីន បានប្រកាសពីចេតនារបស់លោក ក្នុងការផ្តួចផ្តើមដំណើរការនីតិវិធីចោទប្រកាន់លោកប្រធានាធិបតី ដូណាល់ ត្រាំ ក្នុងអំឡុងពេលសវនាការរបស់សភា ។
ការធ្វើអត្ថាធិប្បាយលើសេចក្តីថ្លែងការណ៍របស់លោក Trump ដែលថា សហរដ្ឋអាមេរិក គួរតែកាន់កាប់តំបន់ហ្គាហ្សាស្ទ្រីប និងផ្លាស់ប្តូរឈ្មោះទឹកដីនោះទៅជា “Middle Eastern Riviera” លោក ហ្គ្រីន បានពណ៌នាសកម្មភាពបែបនេះថា ជាការសម្អាតជនជាតិភាគតិច ។
លោក ក៏បានចង្អុលបង្ហាញ នៅក្នុងសវនាការលើបញ្ហានេះថា ចលនាដើម្បីចោទប្រកាន់ប្រធានាធិបតី នឹងចាប់ផ្តើម។ ខ្ញុំក្រោកឡើងដើម្បីប្រកាសថាខ្ញុំនឹងលើកយកមាត្រានៃការចោទប្រកាន់ប្រធានាធិបតី ចំពោះទង្វើអាក្រក់ដែលស្នើឡើង និងទង្វើដែលមិនល្អដែលបានធ្វើ ។
គួរបញ្ជាក់ថា Trump គឺជាប្រធានាធិបតីដំបូងគេក្នុងប្រវត្តិសាស្ត្រអាមេរិកដែលត្រូវបានទទួលរងនូវដំណើរការចោទប្រកាន់ ២ ដង។ ករណីទាំង ២ បានកើតឡើងក្នុងអំឡុងពេលអាណត្តិដំបូងរបស់លោក ក្នុងឆ្នាំ ២០១៩ និង ២០២១ ប៉ុន្តែត្រូវបដិសេធដោយព្រឹទ្ធសភា ៕
ដោយ៖ ពេជ្រ
