កីឡា៖ ក្រុមបាល់ទាត់ជម្រើសជាតិនារីកម្ពុជា កំពុងឈរលេខ១ ក្នុងពូលB បណ្ដោះអាសន្ន ត្បិតស្មើពិន្ទុជាមួយឥណ្ឌូនេស៊ី ក្រោយប្រកួតស្មើគ្នា ០-០ កាលពីថ្ងៃទី២៣ វិច្ឆិកា ២០២៤ តែក្រុមនារីកម្ពុជាឈ្នះ Fair Play ក្នុងពានរង្វាន់ AFF Women’s Cup 2024 ។
សម្រាប់ភារកិច្ចបន្ទាប់របស់ក្រុមបាល់ទាត់ជម្រើសជាតិនារីកម្ពុជា នឹងត្រូវជួបម៉ាឡេស៊ី នៅថ្ងៃទី២៩ វិច្ឆិការ ដើម្បីរក្សាតំណែងលេខ១ ឬលេខ២ ក្នុងពូល។ ដោយក្នុង១ពូល គេយក ២ក្រុម ឡើងទៅវគ្គពាក់កណ្ដាលផ្តាច់ព្រ័ត្រ ដូចនេះប្រកួតក្រោយប៉ះម៉ាឡេស៊ី នារីកម្ពុជាចាំបាច់ត្រូវការឈ្នះ ឬស្មើ ដើម្បីមានកៅអីទៅវគ្គបន្ត៕
