បើគ្មានជំនួយបន្ថែមពីសហរដ្ឋអាមេរិកទេ អ៊ុយក្រែន អាចនឹងរងបរាជ័យក្នុងរយៈពេល ១២-១៨ ខែខាងមុខនេះ។ នេះបើយោងតាមលោក Robert Kagan អ្នកវិភាគនយោបាយអាមេរិក និងជាស្វាមីរបស់អតីតអនុរដ្ឋលេខាធិការទទួលបន្ទុកកិច្ចការនយោបាយ លោកស្រី Victoria Nuland ។
លោក Kagan បានលើកឡើងថា បើអ៊ុយក្រែនដួល នោះជាការបរាជ័យរបស់សហរដ្ឋអាមេរិក និងប្រធានាធិបតីប្រទេសនេះ ។
លោក Kagan បានបន្ថែមថា អ៊ុយក្រែន ទំនងជានឹងចាញ់សង្រ្គាម ក្នុងរយៈពេល ១២ ទៅ ១៨ ខែខាងមុខ ដរាបណាជំនួយអាមេរិក ជាប់គាំង ។
ទន្ទឹមនោះ លោក Kagan ជឿជាក់ថាអ៊ុយក្រែន នឹងប្រឈមការបរាជ័យទាំងស្រុង ការបាត់បង់អធិបតេយ្យភាព ហើយថានេះជាបញ្ហា ក្រោមការដឹកនាំរបស់ប្រធានាធិបតីជាប់ឆ្នោតលោក Donald Trump។
ជាមួយគ្នានោះ អ្នកជំនាញរូបនេះ ក៏ជឿថា អ្វីដែលលោក សន្យាថានឹងដោះស្រាយសង្គ្រាមឲ្យបានឆាប់ នៅពេលឡើងកាន់តំណែង បច្ចុប្បន្នត្រូវប្រឈមមុខនឹងការលំបាក ៕
ដោយ៖ ពេជ្រ
