ប៉ូលិស បានបញ្ជាក់ កាលពីថ្ងៃសុក្រថា ការផ្ទុះរថយន្ត Tesla Cybertruck នៅខាងក្រៅសណ្ឋាគារ Trump ក្នុងទីក្រុង Las Vegas កាលពីព្រឹកថ្ងៃពុធ គឺមិនទាក់ទងទៅនឹងការវាយប្រហារដែលកើតឡើងនៅរដ្ឋ Louisiana ដែលកើតឡើងនៅថ្ងៃតែមួយនោះទេ។
លោក Matthew Livelsberger សមាជិកកងទ័ពអាមេរិកសកម្ម ដែលស្លាប់នៅក្នុងរថយន្ត Tesla Cybertruck នោះ ត្រូវប៉ូលិស អះអាងថាជាករណីកើតឡើងដោយមិនជាប់ពាក់ព័ន្ធនឹងអ្នកណាទាំងអស់។
ប៉ូលិស បានបន្ថែមថា ខណឧបទ្ទវហេតុនេះមិនមានពាក់ព័ន្ធនឹងរថយន្តភីកអាប់ជួលផ្ទុះ អំឡុងបើកឆ្លងកាត់ផ្លូវដ៏មមាញឹកក្នុងទីក្រុង New Orleans ដែលសម្លាប់មនុស្ស ១៤ នាក់ និងរាប់សិបនាក់ផ្សេងទៀតរងរបួស។
គួរបញ្ជាក់ថា បុរសទាំង ២ នាក់ ដែលជាតៃកុងឡាន ជាអ្នកបម្រើការក្នុងជួរកងទ័ព ហើយបានជួលរថយន្តជិះដូចគ្នា ខណ FBI បញ្ជាក់ថា វាមានភាពស្រដៀងគ្នា ហើយគឺជារឿងដ៏ចៃដន្យសុទ្ធសាធ ៕
ដោយ៖ ពេជ្រ
