នៅវេលាម៉ោង៨៖០០នាទីយប់នេះ ក្រុមជម្រើសជាតិកម្ពុជា នឹងត្រូវតតាំងជាមួយក្រុមកំពូលតារាងម្ចាស់ផ្ទះថៃ ក្នុងជំនួបបិទពូល A នៃពានរង្វាន ASEAN Mitsubishi Electric Cup 2024 នាកីឡដ្ឋាន RAJAMANGALA ប្រទេសថៃ។
យ៉ាងណាមិញមុនការប្រកួតលោក Koji Gyotoku គ្រូបង្វឹកក្រុមជម្រើសជាតិកម្ពុជា បានលើកឡើងនៅក្នុងសន្និសិទសារព័ត៌មានថា សម្រាប់ក្រុមជម្រើសជាតិថៃ អ្នកណាក៏ដឹងដែរថា ពួកគេជាក្រុមដ៏ខ្លាំង ប៉ុន្តែយើងមកទីនេះដើម្បីយក៣ពិន្ទុ ពីក្រុមជម្រើសជាតិថៃ ហើយសម្រាប់កីឡាករដែលមានរបួសមួយចំនួន យើងមានអ្នកជំនួសរួចរាល់ហើយ សម្រាប់ការប្រកួតនេះ។ ពួកយើងសង្ឃឹមថាអ្នកគាំទ្រនឹងមកផ្ដល់កម្លាំងចិត្តដល់យើងហើយពួកយើងនឹងធ្វើគ្រប់យ៉ាងដើម្បីអ្នកគាំទ្ររបស់យើង៕
